上星期六, 我已經覺得係澳門過埋果半個月係浪費左暑假,
因此, 我自己一個人坐車反左鄉下玩.
我既突然出現, 令到大表妹,外婆都好開心.(但係我好唔中意大表妹)
直至舅父放工反黎, 外家一家人同鄰居一家人就開始討論自己咋車去廣西.
上星期日, 大家都去準備旅行既野, 果一晚好早就食完飯, 沖過涼後,
大家都係8點就訓, 因為第2日5點起身就開始準備出發,
我就一同以往, 就係點令先訓.
到左5點, 大家都準備出發, 6點集合食早餐後, 就開始駛向陽朔.
因為得5日既時間, 所以冇去廣西南面既南寧同北海.
本次行程識路原因係有一個GPS導航...
因為部GPS既系統比較舊, 所以有D改左路既地方就有問題,
搞到舅父舅母2個多次為左個GPS吵起上黎
(佢2個年年都吵架, 但係感情十幾年都係咁好 :) 希望未來既老婆同我都會咁啦)
12點左右, 我地先去到廣東最西既其中一個區 ------ 懷集,
搞店中午飯後, 我地繼續行程, 係5點之前, 我地終於到左陽朔市.
搵好住既地方就出黎食左個晚飯, 之後就入左陽朔既西街,
行左一圈之後, 我地就坐底買左一D野飲, 感受一下氣氛.
途中有好多酒吧, 係門口望一望見到入面有人跳脫衣鋼管舞-3-
可惜2家人帶住4個未夠10歲既小朋友, 所以決定第2晚dum底女性同小朋友再來- -
第2日, 7點就起身, 大家一齊去左漓江邊既咖啡店,
一邊睇漓江, 一邊食早餐, 我就係果度既電腦度上左一陣網,
之後既行程, 就係我最中意既"單車遊陽朔".
每個人5蚊租一部普通既單車, 就係咁, 按住景點踩單車遊陽朔.
踩單車沿漓江出發, 可惜一個當地人老點, 行錯路, 迫住入左1條村行反出黎,
但係我地都冇後悔行錯路, 沿途都有美景, 有男有女係漓江隱蔽既一段, 露營玩水,
我途中跌傷左隻右手, 都覺得值得 (識踩單車唔夠2個月咋我)
行反正路之後, 經大榕樹, 月光山, 銀子岩等等地方, 當然中途有食中午飯,
完成要去既地方, 我地都踩反黎陽朔市區, 交還單車(9點踩到3點半)
4點幾, 表妹表弟們引唔住漓江清水既引誘, 紛紛脫衣下水,
表弟誇張得全裸入浴 -3- 我同舅父就係岸邊睇女, D女既D衫濕晒好正 
晚餐後, 女性同小朋友都反酒店活動, 我同其他人就一齊到酒吧睇脫衣
翌日, 我地就前往桂林, 到龍脊梯田.
要想睇到美景, 就要行上山上(本身咋車上黎海拔都有1000M以上, 上山又有1000M, 山頂估計有2000M以上)
如此, 花左1個幾鐘時間行左半座山, 到左山頂食早午飯, 一邊食, 一邊睇宏偉既梯田,
又用40分鐘落山, 其後前往桂林渡過一日 (桂林冇野玩加上10歲跟團去過, 呢2日唔多講)
最後一日, 我地用左半日遊賀州必遊既姑婆山, 下晝就回程反屋企 (即係我鄉下)
第2日, 就去左燒烤同玩水上活動, 大家都討論以上5日既行程,
之後5日, 就係屋企同唔夠2歲既細表妹玩, 好Q架佢, 岩岩學識講野口UPUP,
又會嗲人WO, 諗起佢既流口水樣就好想見到佢, 希望佢唔會好似我個大表妹咁衰.
補發山水圖一張:
 |
