今日係星期六~週未就當然要訓耐d嫁啦~所以一訓就訓到12點幾,一起身就打比玻璃威,提佢番教會~睇我幾盡責^o^

之後刷完牙洗完臉出到廳,媽又同3位雀林高手過招~我都見慣不怪lu~其後最攪笑就係~當我丁波仔飯做早餐o既時間~竟然有位c奶同我媽講:你個仔煮野食都幾香嫁啵~我立刻O左咀...我媽就話佢知我只係丁飯~真係有d驚訝~

我食完早餐之後就換衫衫~番教會,不過去之前就先去玻璃威家留下等佢~點知約佢1:30就成1:50先落到黎...都唔知佢男人老狗攪咩攪甘耐=.=攪到我地遲左5分鐘到教會......

番到教會~今日題目係(生命)內容大部分都係叫我地基督徒唔可以做一d主唔喜愉o既事~遠離仇敵...(不過佢講o既...10樣我都中左6,7樣...真係太唔似樣.......)我真係覺得自己遠離左主...好似我自從信主後都無賭錢...但日子耐左...我此終又打番馬吊~但唔知係唔係主訓我呢?真係逢賭必輸

聚完會之後~~miss tam補番份生日禮物比我~真係好多謝miss tam>.<你永遠都係對我最好>3<。

離開教會後,我同大鼻,鄭偉,玻璃威去左荃灣新之城打左陣機~其間有2個打機屎到爆o既人~我地明明跟左機~佢地輸左都唔肯走...唉...甘多錢~買部機番屋企玩飽佢囉...我地只好玩舊game~玩到6:40到就走~

番到屋企就食蚊蚊~~之後再洗白白,好乖甘去溫左陣書,其後就讀經~~完畢後,就出來玩電腦

MISS TAM送嫁>.<