今日好開心呀~全日都有節目,仲比我撞到唔少小時候嘅朋友~

首先一大清早,我今日6點幾就起左身,唔只因為約左子華傑仔食早餐~更因為今晚約左kwok kwok食飯,所以早d起身整理下!

出左門口之後,一入電梯,就比我撞到細個成日一齊玩嘅哥哥"呂奇"~自從佢要返工,都好少撞到佢lu~細個時,佢好照顧我嫁!

其後,可能我早出門口,所以8點2個字就到左太子,不過子華仲早過我,一見到佢就知佢得左啦!笑到見牙唔見眼~佢終於行出第一步lu!!!至於咩事?有興趣咪自己問佢囉~

等埋傑仔之後,我地照舊去食早餐~食完之後,傑仔話想走第一堂英文去剪頭髮,所以我同子華就去左打機打佢剪完~

wo!!!今日我同子華好勁呀!win到最後要走~如果唔係夠鐘上堂,真係可以玩落去~(d對手不停入錢,輸極都黎~哈哈)

番到學校之後,得番2堂普通話同2堂數學~唔覺唔覺就過左lu~

之後就同大鼻出尖咀,打住機等肥得同kwok kwok~因為kwok kwok就生日,所以今日請佢食飯~

到左7點半,我同大鼻好準時到地鐵站等佢地~肥得都好準時呀!!!至於kwok kwok就.......唉~算啦,掛哂!加上佢生日,就由佢啦~

等到kwok kwok到左之後,都就快8點lu~經過一輪考慮之後我地去左食pizza hut~因為有折!

食野其間傾計,比kwok kwok食住上甘串.....好慘~

食飽飽之後,我地影左幾張相之後就走左去糖朝食甜品~~~

個到d甜品好好味嫁!!!kwok kwok果然無介紹錯!!!

食完之後,我地又吹左陣水,呢次就到大鼻比人串lu~~~呵呵呵!

到左差唔多11點,我地就去左坐火車,到大圍站我地就散水~

回到家樓下,又比我撞到小時一起玩嘅趙奶同阿milk~不過大家都變哂lu.....有小小傷感tim...

<---傻妹kwok kwok

<---合照

<---篤死你!_!