°×*﹏你笑容•°︵你觸碰．．＞>＊還是讓我心動 "║▎
這個是mon的日記！！
mon50191 : 個人主頁 - 相簿 - 訂閱  [ QOOZA - 論壇 - 登入 ] 人氣：328
mon50191
暱稱： mon
性別： 女
國家： 香港
«‹ November 2015 ›»
SMTWTFS
1234567
891011121314
15161718192021
22232425262728
2930
最新文章
•第三十一日
•第三十日
•第二十九日
•第二十八日
•第二十七日
文章分類
•全部 (31)
訪客留言
最近三個月尚無任何留言
好友名單
網站連結
尚無任何連結
自訂欄位(一)
尚無任何內容
站內搜尋
2006 年 8 月 7 日  星期一   晴天


第六日 分類: 未分類

今日朝頭早又同婆婆食早餐啦，不過就唔係大家樂，而係酒樓到飲茶，講真呀，我真唔係幾喜歡飲茶ｇａ，飲完茶之後就去左友愛到買完野就走囉，ｋａｋａ．．但是今日好開心呀，今日去睇＜＜加勒比海盜：決戰魔盜王＞＞幾好睇呀！！有時好好笑，有時都幾恐怖ｇａ！！睇完劇就去左海皇粥店到食野，食完就番屋企囉．．好期待明天呀，因為明天同ｆｄ去旺角行街街呀．．．
發表時間：2006-08-07 06:33 PM  [ 訪客留言(0) ] [ 編輯日誌 ] [ 分享至FACEBOOK ]


2006 年 8 月 6 日  星期日   晴天


第五日 分類: 未分類

今早同婆婆出左去市中心留下既大家樂食早餐呀，嘩．．好飽飽呀，食完野就一直大家係到講．．係到講．．足足講左三四個字呀，果到真係幾凍凍呀，下次要帶件外套去先得囉，如果唔係好容易冷病的，講完啦，就送婆婆去塔巴士，婆婆今日要出去荃灣呀，一落到去巴士站就有車囉，真係快呀，我頌發現左原來巴士站係有茶水間的，入面有早，午，晚既喎，但是我估應該係比巴士司機佢地食既，之後爸爸又話要去買波喎，錦我咪同媽媽＆牙哥就去左書店到睇書囉，都冇我想睇既書呀，而且家中ｄ書書都未睇曬呀，睇埋先啦，好快爸爸就打電話比我地叫我地上去百佳到買野囉，但是我想去睇睇影碟店先呀，所以叫爸爸佢係果到等呀，呀．．．我終於買到野囉，我買左一隻叫做＜＜極地雪犬＞＞既碟，睇佢好似好好睇錦呀，買完曬所有野之後就番屋企囉，我立即去睇我隻新碟囉，睇睇下我ｄ眼淚想流出黎喎，因為真係太感動囉，我估好似小ｑ果隻碟錦，睇一次哭一次呀．．．
發表時間：2006-08-07 01:29 PM  [ 訪客留言(0) ] [ 編輯日誌 ] [ 分享至FACEBOOK ]


2006 年 8 月 5 日  星期六   晴天


第四日 分類: 未分類

今日牙媽同牙哥又係要出去啦，又係得番自己一個係屋企傻下傻錦啦，早餐日日如是都係麵包，算啦，都好味ｇａ！！下午１：０１佢地就番黎囉，爸爸買野番黎比我地食呀，因為牙哥太累睡著左，今次午餐就係食粥＋麵包呀，每一餐都係有麵包的，真係厲害呀！！大概４點幾我地就去左ａｎｕｔ芳到，因為今日婆婆佢入左黎呀！！去到玩玩下電腦，突然之間覺得個胃痛呀，ａｎｕｔ芳比左一粒止痛藥我食，之後佢又叫我上床訓左一會兒，好左好多啦，可能暖ｄ掛，之後就去食埋晚餐就走人啦！！
發表時間：2006-08-06 09:39 AM  [ 訪客留言(0) ] [ 編輯日誌 ] [ 分享至FACEBOOK ]


2006 年 8 月 4 日  星期五   晴天


第三日 分類: 未分類

今日９點幾起左身，牙媽同牙哥係ｌｅｅ個月成日都有活動，得番我自己一個人係家中發呆，但是我又唔想跟埋出去呀，真係好呀，由３號風球變成１號風球呀，只係大風而冇落雨，太好了！！今日頌發生左一件好開心既事呀，我終於換左智能身分證啦，下午同牙媽，牙哥出去食完午餐之後就去左拿我既智能身分證啦，有ｄ緊張呀，唔知令唔令呢？？去到都幾多人下呀，大家都係今日拿既，但是手續好方便，真係需要對對你既指紋就可以拿身分證啦，對比番以前果張，我真係好似大個女左ｄ呀，太好啦，不過人人都會長大既，之後就跟左牙媽去左買晚餐囉．．．行番屋企既時候見到一個人，感覺唔知點解怪怪地錦呀，佢踏著單車，我行左，佢踏左，我行右，佢又踏去右，都唔知佢點踏單車ｇａ，算啦，都過左去囉！！
發表時間：2006-08-04 09:42 PM  [ 訪客留言(0) ] [ 編輯日誌 ] [ 分享至FACEBOOK ]


2006 年 8 月 3 日  星期四   晴天


第二日 分類: 未分類

前幾日都冇到日記ｔｉｍ！！等我今日寫番昨天既野啦，昨天３號風球，真係超大風呀！！又好多雨喎，令我整天都係家中呆坐！！算啦！！
發表時間：2006-08-04 11:13 AM  [ 訪客留言(0) ] [ 編輯日誌 ] [ 分享至FACEBOOK ]


« | 1 | 2 | 3 | 4 | 5 | 6 | 7 | »