琴日朝早比我老母見到我撞傷個位,個位突左出黎,係到曬,叫我放工去山頂睇醫生
為左令佢唔再煩我只好上去睇下啦,
點知放左工就落大雨,又無帶姐,都唔知點算,等左一陣間都唔停,好彩有部的士經過,馬上飛去山頂
飛到過去挂完號,又要等,結果等左差唔多3個鐘先睇我,睇到我又要照X光WO
照完仲要等成個鐘等個骨科醫生黎睇,睇完佢話我個鎖骨斷左,我馬上O左嘴
斷左我隻手一D都唔痛先奇WO,之後佢話因為已經撞左一個星期,里面好緊,但係個因為之前無理佢
個骨生得唔好,突左出黎,要過3,4年先會平番D,唉,真係慘....
|
