雲尼生活紀!!
人大了, 想留點回憶!!!!
mongchu
暱稱: MongChu
性別: 女
國家: 香港
« March 2015 »
SMTWTFS
1234567
891011121314
15161718192021
22232425262728
293031
最新文章
開始準備
久違了
中mj毒
風雲變息@石仔灘
老公, 回歸了
文章分類
全部 (461)
朦之所見所聞 (28)
講飲講食 (6)
我的.... (48)
周遊列國 (1)
發花顛 (12)
敬業樂業 (4)
談情說愛 (7)
未分類 (355)
訪客留言
最近三個月尚無任何留言
每月文章
日誌訂閱
尚未訂閱任何日誌
好友名單
尚無任何好友
網站連結
尚無任何連結
最近訪客
最近沒有訪客
日誌統計
文章總數: 461
留言總數: 48
今日人氣: 0
累積人氣: 4627
站內搜尋
RSS 訂閱
RSS Feed
2008 年 8 月 3 日  星期日   晴天


久違了 愉快 分類: 朦之所見所聞

呢期少去了狗公園了, 因一來成日都落雨, 一係老公不在港, 一係去沙灘, 真係好耐冇幫襯的了

趁冇咩節目, 同埋仲係member, 當然要同朦游游啦

都知他多人, 所以朦家同8仔家都11點去到, 嘩...但...又滿晒人啦...

幸好細池只有一隻金毛, 相比來是細狗的朦同8仔, 都游得舒服

不知朦是否耐冇去泳池的呢, 不大想游, 幸好之後, 玩骨骨, 他開始活躍起來(相比)

不知不覺都游了一小時, 還記得以前同朦, bonsa佢地游, 都成2-3hr..haha...或許太多小朋友, 都不想游咁耐呢, 做成一個鐘運動都不錯呀

澡好涼, 食埋個lunch

8仔家就車我地去元朗, 因我地相約好曲家呢, oh...好耐冇見曲奇啦, 食了住家飯, 曲奇的毛毛靚了好多呀!!!!

曲媽還有手信俾黃朦朦呢, oh...羊奶布丁呀!!!!多謝曲媽

除了來會一會曲奇, 第二係食, 好多blog友都有去食的

嘩, 真誇張, 因曲媽之前看過, 他要兩點才開門, 但我地落到去已經2點多, 只開半閘, 但不斷有人入去坐的了, 因我們有狗狗, 所以坐在舖外, 仲要不斷多人.....

(芒果)

 (西瓜)(草莓)

好食的呀, 又或許天氣太熱了.....

跟住曲家同我地行下d pet shop, hoho..呢包千層糕, 都好搞笑呀, 買來俾朦試下吧(明明叫自己不要再買零食, 但...唉...)



2008 年 8 月 1 日  星期五   晴天


開始準備 愉快 分類: 周遊列國

老公已幫我買了機票(因之後才join回老公的)

出發前點都要買本書看看的啦!!!

e-ticket + 旅遊書, 為我衝出亞洲, 再踏前一步....要繼續準備....

今日係33度底下拿了冬天衫給老公的呢.....

 

_____________________________________________________________________________

又為我的corgi收藏加了d新野了, 麻煩晒曲媽幫我入了呢隻可愛的corgi公仔



2008 年 7 月 31 日  星期四   晴天


中mj毒 愉快 分類: 我的....

今日老公又付出金錢來縱容(扮晒命)我發顛!!!

對呢個品牌, 真係令到我平时的冷靜(某程度都係), 令我....

事縁, cwb的mbmj, 終於開左啦, 由5月等到現在

老公看到, 今個mon終於開左, 所以同我去闖闖呢

唉....咪又係中毒lor

呢間真是相當不錯wor, 因有兩層, 又或許未是太多人, 所以都行得舒服的呢...

一來新開, 又sale, sale仲要有新貨, 真係救命啦....

最好我叫做半鎮定下買下了銀包(因全場得佢一款有相位, 仲要緑色旺我呢, hoho)

同埋最不鎮定下買左把遮.....因把遮個頭好吸引的呢 

 

我仲看中了個細wallet, 手錬......

我要冷靜.........

最後, 多謝我的最愛"3"!!!!



2008 年 7 月 27 日  星期日   陰晴不定


風雲變息@石仔灘 愉快 分類: 朦之所見所聞

 因薯媽的朋友的狗狗生日, 搞了個船p, 我地當然gogogo啦

薯畢家車我地到西貢, 嘩, 只是9點未到, 西貢已超多人...發神經

我地仲好趕咁食早餐, 真係吳剛表演, 係個烈日陽光下食餐蛋"臉"救命...haha

好, 集齊人後, 上船了

坐了40min.去糧船灣, 放低蛋糕, 再坐快艇去一個叫的石仔灘, 因果度冇人來, 好似我地的私人灘呢

因人數都多, 我地分開兩轉的呢, haha...以下這一批就是等待上船的朋友們..

 

呢個真係冇說錯, 係石仔灘, 都多多石的呀, 所以某程度朦麻麻地的呢, 或許他重, 壓落d石度, 不舒服的啦

但d水又真是好清的呀, 都看到黃朦朦的手仔呢

 

看, 抱左老公手中的黃朦朦, 有時都好bb的(個人意見)

 

一看呢張相, 就知邊位小朋友最lazy啦, 唉...黃朦朦你有得奬啦

 

不知是否游得太倦, 朦常要抖抖, 做看更呢

 

好, 趁d小朋友倦倦地, 影下相先,

當然少不了全家幅啦

 

朦: 薯爸, 我就快斷氣啦, haha!!!

 

去到一點, 又或者太熱了, 主人同小朋友都倦了, 所以我地再撘快艇回糧船灣食lunch的呢,

簡簡單單的, 但已俾我地呢堆大食人, 通通食晒呢, hoho..我地太有衣食了

但食到尾段, 風雲變色呀, 冇啦啦, 刮起風, 行雷, 黃朦朦嚇到震晒的呢, 呢食野都不食呢

我地慶祝埋生日, 食埋蛋糕就走人了, oh....最震撼係, 好多人都同一個時間回西頁呢, 多浩浩蕩蕩呀

 

大家都好倦了, 我地在小巴瞓了一陣, 出到旺角再同黃朦朦澡涼呢, 朦已倦到的樣子...又係衰爆的呢

 



2008 年 7 月 26 日  星期六   晴天


老公, 回歸了 愉快 分類: 我的....

本都知今日老公班機, 會delate的了, 所以今日不用5點撘車入去, 7點才上車, 好快就到機場的呢

但去到...OMG....9點才到香港, 但去到只係不足8點...OH...TOO BAD

好彩, 本"DAY"能書幫我渡過了的呢

看完, 周圍走下, HAHA...就快奧運, 等我影下倒數時計先

OH..老公落機啦, 太好了.......

跟住同埋朦回TKO呢, HOHO...老公執好野, 我地就出街逛逛呢

HOHO...因下月要去飲4哥果餐, 所以呢期都叫做買了衫, 袋....

HAHA..今日買埋耳環, HOHO...

再買埋新粉底, HOHO...

HOHO..我呢個妹都真不錯, 做足準備的啦...

老公買埋個相機袋, 回TKO同AUNTI UNCLE 去樓下"食得妙" 食飯先, 個味道冇以前咁好食的呢

老公之前係SONY訂了電子相架, 我唸呢D"可有可冇的", 我唸好多人都有, 有時都覺"毛LIU", 但有左佢又開心...HAHA



2008 年 7 月 25 日  星期五   晴天


2008-07-25 愉快 分類: 我的....

周邊的人, 個個都讀書, 因近期的事, 令我都不能再lazy了.

剛好同事, 看到個course都好啱自己的呢, 咁平平地(相比)去報讀的呢

報完course, 因都肚餓, 不如去試下新野呀

所以同同事去了去食勁厚burger, 但下午看報紙...呢間野俾人淋紅油的呢.....

所以今晚入到去, 勁天拿水味呢.....

估不到呢間小小的舖都好大捧場客的呢,

因我地去到都係7點度, 都有3,4枱客呢, 到我地坐好後, 不斷有人來, 但也有人頂不住d天拿水走人呢

 

我地幫襯了一個burger(好肉汁, 個包好食呀)

仲有肉醬芝士薯條

再加多兩杯特飲, 咁就是我同同事的晚餐呢...本來我怕分一半會不飽, 但原來不是的, 感覺滿足呢

我唸老公都愛吃呢一間的呢!!!

ref:

http://www.openrice.com/restaurant/sr2.htm?shopid=18309



2008 年 7 月 24 日  星期四   晴天


"day" 能 開心 分類: 我的....

呢期書展, 所以係wanchai 站會有好多書的poster..

說起書展, 細時暑假真係必有的節目

但對我一d都起不到我鍾意看書的興趣呢...

haha...但今次對呢本書好有interest呢, haha...因為夠"day"能lor

因之前看過表妹之前買的, 真是爆笑得很, 又剛啱, 同事去書展, 麻煩一次過買回一套的呢, hoho..放係公司, 閒時relax下的呢

呢本野...真係冇得頂呀....haha..............



2008 年 7 月 23 日  星期三   晴天


2008-07-23 不安 分類: 敬業樂業

明明星座話我今日係幸運日 但..唉...

我覺得我今日應該俾某人覺得我錯了三次的啦...

唉..我都好不想的, 唉...激氣,

我不想俾某人覺得我真咁屎, 咁不值...

唉, 我都對我的錯 阻到的人說聲不好意思

我會落足精神的

我唸我不能再俾某人覺得我咁唔掂..

同埋我真係好緊張的呀 因我好怕會失去呢 因我還要依靠呢.....(暫時)

真係有點驚, 好怕在這某人心中, 變得可有可冇...

好沮喪呀

我要努力



2008 年 7 月 22 日  星期二   晴天


標準 愉快 分類: 朦之所見所聞

靚同唔靚, 呢d真係好主觀的

但今次所說係狗狗!!!

某天, 有朋友說起corgi, 說他友的corgi比朦還要靚

um...某程度, 我對呢句說話, 有少許反感...

怎說呢, 我當然不是自大狂, 覺得我家黃朦朦最靚仔的啦

或許,我不大喜歡比較啦

因為每一隻狗都有牠靚, 可愛的, 某程度, 我不大識野, 我還未見過一隻完美, 靚爆的corgi

但呢d靚, 可愛的標準, 真係好主觀的呢

但在我心目中, 朦當然係最可愛, 靚仔的啦, hoho!!!(我唸每一位主人, 父母 都會有呢個唸法啦)

當然朦不是什麼靚corgi啦!!!

粗手仔, 鬼佬眼, 細種狼狗, 混種狗, 開合patpat, 慢慢吞吞, 呢d全是我心目中朦最靚的特色呢!!!



2008 年 7 月 20 日  星期日   晴天


單親family@相思灣, lets 狗 卡非 愉快 分類: 朦之所見所聞

今日相約了薯畢, 慒, smuff, 8仔, busy, 還有好耐冇見的小寶呢!!!

因想早點去玩, 所以我同朦就8點已出發的了

嘩, 欠點兒俾架小巴"西"落位呢...

食完早餐, 8仔家車我倆母子, 去相思灣呢

oh....或許明晚tko落了雨, 所以今日的水, 不大好的呢

因深信其他灘都相約, 所以都繼續游的

不知因為, 係老公不同遊, 定還是個灘不好游, 朦不是太享受呢, 但都看得出都ok開心的

咁幸好去到10點半才開始晒, 咁我地都是11點出番去澡涼的呢

因我地有6隻狗澡涼的呢, 所以我book了2個半鐘呢.....或許大家都不夠時間, 我地都好快咁一隻接一隻的呢, 看多專業

但..我地太有效率了, 只用了一個小時就搞掂晒呢, oh....因不能退錢, 蝕了個半鐘錢呢...激氣!!!!

朦現在的lbs數係.....

算...因大家都肚餓, 所以我地去了 "卡非" 呢, oh...因我太渴了, oh...呢度d野飲, 溝得不錯的呢

剛好, 在"卡非"還有一對chouchou呢, 好可愛的呢, 但一隻好好動, 一隻比較怕人, 因牠發脾氣, 所以俾主人罰呢, haha..好似一個小朋友坐係度的呢, 好可愛的呢

朦, 來個到此一遊呀

之後, 來了兩隻corgi, 一隻叫奶茶, 一隻叫咖啡, 奶茶好喜愛朦呢, 亞smuff就好喜愛咖啡呢, 看...hehe!!!

因呢度d野食比較細食, 我地呢堆餓鬼, 要轉場的呢, haha!!!但因得我一個, 同埋自己都有點倦, 所以我冇參加他們的tko泰國下午茶之旅呢, 不好意思呢, hehe!!!

所以我同朦就撘的士回家呢, oh...朦出奇的咁精"令"呢

回到家, 到我澡好涼, 就同朦來個午覺呢!!!今日都好充實呢!!!