今日9點幾就起左身啦~出面廳好噪呀，但我好累．．．再訓過∼

過左一陣就起左身啦，時間岩岩好，起身就可以食早餐

今日係中秋呀，好開心，可以留返係香港過

我想係香港，唔想返深圳，琴晚就同我呀爸講好左

但今日佢唔知做咩，咁耐都冇返，咁我打俾佢啦．．．跟住我聽到僭話我煩

我好唔開心，我諗佢都係深圳啦．．我就ｃｕｔ左佢線，嬲死佢呀

＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋

下午我就去左做功課ｌｏ（好想快ｄ做完佢），跟住夜晚就同ｄ朋友係到玩

點知，都冇咩點做功課，我地夜晚去唱ｋ呀∼咁我就做左個曲髮，幾靚！！！

我大約７點先返屋企，之後又冇咩點食野，同人傾左一陣就出左去沙田

點知後埋冇去唱，要＄２００呀一個人，之前呀浩同我講過，但算啦

我都唔係咁留意，冇得唱ｋ，唔知做咩好，我地就去左影相相啦，好好笑

我地仲玩捉迷藏，後埋有朋友叫去烏溪沙燒烤，我地坐馬鐵返去∼

去到果度，我看到師兄（呀哥）但係我地去左一陣渣∼

ｍａn yi要11點45分前就返到屋企，唔係下次就冇得出街

咁我之前又應允左邊個話去dance會，但後埋唔想去，想走...

好似冇咁好，自己好衰咁就去左一陣，點知~1點先返到屋企，本來12點就要返到，但次次都遲

跟住先知呀媽去左深圳陪呀爸，屋企得我一個，好悶~，訓唔到，又想出街

呀霞諗住叫我去mk唱k，(唔洗我俾錢)但冇人陪我，唔制!!!係到玩電腦，但唔想玩咁耐

之後記起呀偉，就打俾佢啦，唔知佢係到做咩，佢就返屋企，同佢傾左 一陣，佢d朋友都係到

之後又睇到呀彥上線，叫佢打俾我傾計，就係咁，我地一傾就傾到5點30分...

刊登時間︰2005-09-25 07:50 PM    [ 訪客留言(0) ] [ 編輯日誌 ] [ 分享至FACEBOOK ]

今日訓唔到呀∼可能今日要早返學

咁難得放假都要返學．．．不過唔返都係屋企唔知做咩

咁後埋就返學校啦∼（星期６英文班）好似話一年返一次

我地係最早既班，我地Ａ班呀痳∼

返到去，好無奈呀∼我Ｄ朋友又唔係同我同班

返到去，自己一個係到悶，好彩都看到自己班人Ｄ朋友姐

但無咩點傾∼我地唔係好識對方

我地分別要去３間ｒｏｏｍ∼

起初，我地去間ｒｏｏｍ好好呀∼有得看ｍｏｖｉｅ∼聽歌，好好嫁

跟住又去左另一間，覺得唔係好好，我唔想諗ｄ英文，要作野啦，同埋起初係到玩

我係個ｇａｍｅｓ到衰左呀，本來要唱歌嫁，但好彩都冇姐

跟住後埋又去左另一間ｒｏｏｍ∼係果度我地要用英文做一個ｄｒｅａｍ

我諗我自己都做得唔差呀，但係有一個男仔好似針對我

咁多個人一定係要話我做得唔好∼而個男仔名一定係叫Ｔｏｍｍｙ

令我諗起有個朋友∼都係男仔，又係同一個英文名，佢之前好似鍾意我

唉．．．唔講呢ｄ野啦∼好無奈ｌｏ∼

之後返屋企一陣，又要出街啦∼

同傑傑去買生日ｐｒｅｓｅｎｔ∼

哇．．．睇到好多靚靚既野，好想買，但算啦

買完之後就返屋企ｌｏ∼點知落雨呀，都係傑傑衰，俾佢講中

好彩就係落一陣，返到屋企做功課，但唔識做

做都未做過一樣∼跟住就同呀吳x彥傾左勁耐電話

後埋一直俾呀媽話∼唔講啦，好累

刊登時間︰2005-09-19 03:51 AM    [ 訪客留言(0) ] [ 編輯日誌 ] [ 分享至FACEBOOK ]

今日上I.S，好好笑

老師無啦啦送我地侮人一支瑩光棒

但係唔俾我地整光個支野

如果整光左就要俾返5支老師

但後埋都有人整光左(掉左落地下)

哇．．．好怕怕呀，就係咁就令我咁啦

跟住我地又做實驗，好有趣呀，都好得意係我地要收集空氣

咁我地用到水，都要搵人黎吹，好好笑

吹氣果個人嘖到自己塊面，同飲左ｄ水

仲有呀，今日係英文日，今日一定要講英文，老師同同學都要一起做

有點老師講英文好好笑，有黃ｓｉｒ，訓導主任，仲有我既班主任ｍｉｓｓ黃

當然上課唔洗講英文啦∼

最後埋上普通話堂，好享受呀，但好悶ｌｏ，唔可以做第二ｄ野

今日有７位同學要考試講中國文化既野，侮人有３分鍾時間

但今次個個人都準備充足，個個都講過左３分鍾，好想訓

佢地講勁多野，又細聲，又唔清楚，一直講，一直講

哈哈，１好１好笑，講到下堂都未講完，ｍｉｓｓ黃好無奈呀

同我地一直係到聽，聽到勁辛苦，咁就放學啦

本來我地一班人一起返學，放學嫁痳∼

今日就要放開啦，呀霞，ｍａｎyi，shirley係I.T PREFENCE，佢地要當值

咁我地就走先，但我無返屋企，就同大聲公去左呀丹屋企做功課

本來大約15樣，而家得8樣，今日要完成6樣先得

好有呀，同呀濠好返啦，我地冇吵lo

仲有呀，>愛<上左線啦，但我地唔係傾好耐，佢唔係好得閒

仲有呀，我覺得我同老公仔既感情開始淡啦，但我地都伯問候對方，講下心事俾大家知道

哎呀，差d忘記聽日仲要返學，寫住咁多先啦~!!!

刊登時間︰2005-09-17 09:08 PM    [ 訪客留言(0) ] [ 編輯日誌 ] [ 分享至FACEBOOK ]

今日返學呀，上左ｍａｔｈｓ堂先知我少做左２條題目

諗住問老師拎返本簿做啦

點知老師唔俾返我，又叫我拎張ｐａｐｅｒ做返哂

好似俾人罰抄，勁無奈，好唔開心，開始唔鍾意上ｍａｔｈｓ

今日上Ｐ．Ｅ堂呀，係到推鉛球

哇．．．個鉛球勁重，我冇力啦

後埋要拾野，又遲左食野啦

放學好開心呀，個個朋友都係到等我（我最遲去到）

跟住我地要去買野呀，我地ｈｉｓ要做城堡，好難呀

唔識做後理冇買，仲未決定諗好買咩，咁我就分開左ｌａ

返到屋企，ｍｉｓ　ｗｏｎｇ要追巴士，咁就得我同大聲公一起

送完大聲公，到自己行返屋企既時候

又看到ｍｉｓｓ　ｗｏｎｇ係到同我揮手啦

我係到諗點解ｍｉｓwong仲快過我，係我前面，先知到佢追唔到巴士，仲行前一個站

咁我地又係到傾左一陣計，返到屋企好早呀(4點45分)

諗住打俾呀偉啦，佢係學校呀，唔傾得，咁就做功課

又開左腦腦，上左chat room一陣，又識左個朋友啦

而且多左個妹，幾開心嫁，唔知唔覺用左好耐啦

忘記寫日記，而家記得lo，我會記得嫁啦!!!

刊登時間︰2005-09-17 08:04 PM    [ 訪客留言(0) ] [ 編輯日誌 ] [ 分享至FACEBOOK ]

今日好彩好早返到學校∼

Ｂｅｃａｕｓｅ啱啱返到就落雨ｌｏ∼

哎呀，今日係閱讀日呀，都唔知會點

勁無聊白痴．．．．．．

到下午食飯又要看新聞，唉．．．

好煩∼放左學好悶呀

返到屋企，做功課

同呀偉又傾左一陣，佢要溫書

咁我就做功課ｌａ．．．

點知，做生活隨筆既時候冇左Ａ簿

咁我就搵呀丹借俾我啦，好彩∼

拎完先知佢啱啱返屋企，真係辛苦佢啦

今日就咁過去ｌｏ，勁悶呀．．．

刊登時間︰2005-09-17 07:13 PM    [ 訪客留言(0) ] [ 編輯日誌 ] [ 分享至FACEBOOK ]