本身今日可以同a wing、小希、美美媽、terry踩單車，可是我呀媽唔俾呀!!我由琴日7：00至凌晨3：00都一直求佢，今日都有求呀~仲求到喊左出黎，唉~我真冇用，我真係好想學識呀~~因為個個都話睬單車係好好玩同感覺好自由的，不過沒多久，藍莓打俾我，安慰下我，之後佢地都有陸續打俾我，好多謝你地咁關心我呀~特別係美美媽~佢搞到我破涕為笑，真係好多謝你地呀!!希望你地今日玩得開心，仲有美美媽學單車成功啦!!a wing同某某男仔拍拖成功.........仲有仲有...小福打學界成功呀!!加油呀!!~~小福~~...........

　　今日a wing、小希同美美媽黎我屋企做功課，點知我地好多時都掛住玩，功課都冇嘜點做過。之後，小福大約3：30到達我家留下，雖然說做功課，可是大家提不起勁，於是最後決定玩→大富翁←，原來小福運氣好好的，佢幾乎全場嬴得最多錢，更好笑的是小希同美美媽一齊玩弄a wing，或可以說成一齊對付a wing，但是a wing好似好開心同好享受俾人蝦的感覺，佢地大約6：40走lu...之後...我覺得開始有d唔舒服，頭總是痛痛的，喉嚨也有少少不適...今晚大約3：00才睡呢!!好累哦...

　　其實近排我遇到一d好難解決的問題，都可以說冇諗過會發生這些問題，總令我難以選擇，唉~不想傷害其中一方呀!!可是心裡卻又好亂呀!!關係搞到如此複雜，自己也作不出決定，不過有些幸福的感覺，其實我都唔係一個好女仔，點解佢地會鍾意我呢??唉~我諗到11月12號自有答案喇，都係等我諗清楚才算吧!!

　　今日係賣旗日，雖然賣得唔算多，不過我覺得好好好玩，由8：00賣到11：30(係長沙灣地鐵站A1出口)，之後係美孚站交旗袋，跟住我、藍莓、美美媽、a wing、yoyo同佢個朋友一齊去食┌麥當當┘，之後我、藍莓、美美媽同a wing一齊搭81K去a wing屋企溫書，藍莓要返交安，so得返我地三個，我地就諗住睇→小孩不笨2←(碟)，其實之前已經睇過，我同藍莓仲睇到喊添，估唔到今次再睇，我都會喊左出黎，原來a wing好變態，佢話唔知點解見到人喊佢就好想笑出黎，唉~我算唔算眼淺呢??之後林生就係3：00到a wing屋企留下，我地諗住租碟睇→愛上屍新娘←，ok恐怖，不過都幾好睇，因為由小方主演...點知我地就今日掛住睇碟，而冇嘜點溫習，不過我阿媽竟然肯俾我係a wing屋企食飯，今次都係第一次佢肯俾我去朋友屋企食飯的，我好開心呀!!今日都玩得好開心，不過我地玩『誠實與大膽』時，其中抽到我時，我就選誠實，佢地問我宜家鐘意：林峰、許樂定袁袁，我......竟然要諗一陣先敢答，不過最後我都答左係袁袁，原來我自己都唔係太清楚，唉~不過宜家我諗得好清楚，我都係唔會放棄袁袁...之後我地7：45分就各自回家了。