今日早上約左癲馬出去整野....幫佢整dcit ga野呢..不過出到去都成1點幾喇....所以都係食左lunch先喇....點知新世紀勁多人喎...迫迫迫....本人最憎等位架喇...之後咪落m記食野囉...好不容易先搵到2個位..之後食完野就開電腦做野....初初都諗住幾難....點知原來真係好難架喎...但又點係難到空曬去個d囉....

做到3點幾送左佢搭車就返屋企喇...約左金sir佢5:30練跑囉...係屋企訓左陣先出去....點知係mtr金sir..問我係邊..我當然話係mtr喇...點知佢竟然話約我5點...唔係呀嘛...我唔信...=="....之後當然我係5:30先到喇....之後同2寶,金sir佢地行上去城門谷喇...今日都幾凍個天氣....上到去換完衫就拉根喇...之後就同2寶接力對住金sir跑200米喇....姐係我跑4個喇...

第一個個feel最好,試用腳尖跑曬個200米,最尾40米收步..29秒....休息左一陣....幾分鐘喇....之後第2個全部腳跟落地...最後20米收步...31秒....第3個見金sir開始辛苦..諗住拍住佢....但係一入彎..對腳都係唔聽話...不過出彎個時我都有睇金sir係邊個80米就開始收架喇...不過用腳尖跑收得幾多呀...30秒lee...最後一個....金sir都係last個個...我見金sir出曬汗...同佢講...last個個做到2字就收工喇....之後就黎喇....我一開始入彎..冇喇喇用腳跟落地...勁慢呀...慢左金sir成2個身位...我係最後80米先可以用返腳尖...我追呀追呀...last20米先過返佢...27...金sir都28秒...好成績呀.....

跑完勁想嘔呀....之後訓左陣...起返身就換衫走人囉....之後同佢地行左落去TW就走...約左屋企人食飯..都遲左成個半鐘喇...我去到都食甜品囉佢地....佢地都有留野俾我食ga...食完就返屋企囉.....返到去睇電視..打左俾小可愛傾左陣計....佢成日lee個時仲做緊功課架...傾完就訓囉....