今日一早就要出去整visa d野…整左咁多野…完成喇….拎左自己張x –ray圖..完全唔知點睇囉…黑色ga野多好定白色ga野多好呀?..勁大張囉…成張海報咁都唔知拎黎攸咩..之後一定要拎屋企囉…成11點幾先返到…拿拿聲去買飯拿拿聲去等車拿拿聲食飯…一到等一到食囉…岩岩冇遲到…入到去同前面d女仔傾計..之後就上堂喇…嘩…個老師不知所謂到..我完全聽唔明佢講咩囉…真係聽唔到囉..

 之後咪同前面個個女仔傾計囉…講講下…佢同我講..你係咪唔聽架…不如出去傾喇…之後我出左去傾..走堂真係一次…但真係唔得呀嘛個老師…之後同個女仔出面傾到落堂囉…傾咩…咩都傾喇…原來陳詠雪曾經係佢同學囉…嘩…之後同佢傾左陣阿雪ga野…lee個女仔都幾典型香港女仔黎架…好現實架…

 不過我又諗一諗..我係lee到識ga朋友全部都大過我,個個都廿幾歲…講緊搵食呀,出黎做野喇…我個班朋友仲講緊AL,會考呀…我會諗到好唔同囉已經…同女仔傾計當然佢都幾靚女喇…成日望住佢…但係我睇返自己,會覺得我自己好細個囉….

傾完就上去tut囉…上tut都係咁喇…落左堂同班組員傾左陣…有個男仔黎至澳門ga..之後同我傾..lee個男仔同頭先個個女仔一d都唔同…hea完就算喇…是是但但讀大學就算個d囉…佢仲我講原來澳門d賭場做荷官係好搵得…又冇咩學歷要求…根本唔怕搵唔到工…同個女仔講d野真係差好多囉….

去練水…今日ga話題當然係琴日4個新世界記錄囉…. 今日練水又係好凍喇…所以今日都唔係游得咁好ga…

之後當然快快返屋企…睇世錦賽喇…一到煮野食一到睇...又係好精彩呀..睇到好肉緊囉…特別係200蝶呀….