$↓茵生日快樂!~~~

今日早上我個房得10c...打死都唔出去喇..(下午佢地講返,得3個人去左練早水...哈哈哈..)...之後訓到6點起身...今日一早起身望一望個人..個鼻邊紅紅地...睇相學有句說話就係"鼻起紅氣就珠時不利,鼻為財星"鼻起紅氣就會破財...而鼻頭就破正財,鼻側邊就破橫財...之後我就我就諗一諗...係喇..我又搬屋,又要學車,仲要買隊衫要成$80澳幣呀...+起曬...使幾多$呀...真係慘今次喇...

之後整下d野就出去uncle到車我去睇屋喇...搵到間ok架喇...ok平+ok好用喇....咁就算喇...之後教佢地點係youtube都down片...基本上真係好easy架嘛...大家點解唔識架呢?...哈哈哈....

之後就同佢地出去食lunch喇...冇喇喇點會請左佢地架呢?....不過算喇...近來已經使咁多$...仲請人食飯...我上身呀?...之後就去搭車喇...之後突然記起....我成日都話請vicki食蛋糕架喎...之後行左好耐...都搵唔到我想要個款ga..之後咁岩經過一個店...咁岩有喎...咁就買喇...之後全程搭車都好保護個舊蛋糕喇...因為d巴士真係好震呀....超驚呀...

轉車個時打左俾$家姐..同佢講生日快樂喇...話咁快就到佢生日喇...上年同佢係電話講咩架...係blog到睇返先....

之後2點就到餐廳喇...咁我就請佢食喇....其實點解請佢食...冇咩特別意思...想請咪請囉...舊蛋糕好唔好食...都唔重要喇....我諗...唔...之後同佢傾一陣就返屋企拎野練水喇...

今日有陽光又唔係好凍...不過一落到d水都真係好凍....用盡曬所以有力...先岩岩到標呀...之後游完就返屋企喇...今日唔想去睇電視呀...點解呀?....太複雜唔講喇....之後打下d日記呀..8:30就出去買飯喇...其實我好肚餓架...不過要等到lee d時間大嘉樂先冇咩客...咁先可以傾陣計呀嘛...大家唔好諗多...只係同朋友傾下計架d姐...因為屋企電話仲係打唔到出去...所以搵唔到你地傾計姐...

講起呀...其實我都幾想打俾癲馬呀...我之前成日都打俾佢...而家成個月都冇打俾佢喇..佢又唔打xanga..呀....唔係唔打,係小打...之後仲有卓敏..要網上撞到佢好難架有時...之後仲有其他fd喇...

出到去買飯..唔見佢喎...咁就走喇...點知係門口撞到以前個homestay同屋....一個唔識英文ga台灣人囉...之後同佢係大嘉樂餐廳門口傾左陣....傾左好耐喇....之後又見到vicki..又返入去餐廳傾過囉...傾到9:30先再走.....今日有好多"謎"出現左呀...留待遲d再探討喇...

傾完就返屋企...買左個白飯...是但整個好似最easy ga炒蛋食就得喇...食完真係好飽呀....