今日一早就要去比賽喇...食完早餐就出左去等教練車喇...傾傾下好快就到比賽場地喇...因為今日我要游第一項所以要早熱身早上水...其實琴日夜訓ga關係呢...我今日都幾呆下呆下ga...

熱完身就要去召集喇...第一項係200im呀..對上個次游都係5年前ga事囉...我仲記得個個係黃大仙分齡黎架....之後叫完名就去游喇...其實我都唔係好緊張架姐...因為我都冇諗住lee個游得好...之後一個good start入水之後蝶式ok....一轉到背泳..唔得掂呀..勁慢囉feel到....今次大鑊喇...之後入到蛙式..因為上次s/c游個時個蛙慢到嘔俾教練話...今次點都游返好d...個feel好似好d喇...之後轉堂個時都見到自己第一個喇...之後自由就keep住咁返去喇...到邊望一望個鐘...2"30"05....shit呀...點解呀.....咁都做唔到29呀...唉...之後放鬆真係冇咩心機....本來冇咩壓力...游完之後先有....點知放鬆個時宣佈原來我拎到第3喎...雖然冇上台...不過之後拎返個牌...安慰獎一個囉...

之後上去問返教練...唉...今次個背同蛙真係好差好差呀.....唉...2個星期之後要游好d....

之後就等游100蝶喇...100蝶游到極差呀....差唔想再講...23/27下手...不知所謂....之後食左d野就要游50自喇....50自其實都幾信心游得好...不過前排真係少練得好緊要呀...所以唔知會游成點呢...

去到等左好耐先游呀...我一落到水個feel都唔錯喇...之後爆喇...極好feel...諗住實pb喇....點知到邊一睇...26'40..立即爆粗....唔係呀嘛...點會慢咁多架....唉...真係勁想喊出黎呀...之後阿sam哥同教練都話我好似游緊100米咁呀個頻率...下....唔係呀嘛...唉...算喇..鬼叫自己少練咩....

之後就等游100米自喇...hea下訓下咁...好快就到喇喎...快到我都唔記得準備...之後整好野就去召集喇...緊張緊張的....等左15min到先有得游....游個時到游完個人又反而好輕鬆喎...雖然唔係咩好時間...58'72...都算係一個下等ga時間tim...不過今次我d技術教練就話我好有進出..慢慢黎慢慢黎...游完沖完涼就等車返屋企喇...

之後返到去訓左陣先出去食飯....今日好肚餓....好似幾日冇食飯咁呀.....食完傾到8點幾就走喇...多野做呀餐廳...唔打擾人地咁耐喇...之後一直玩玩玩...講野講野講野....好夜先訓...聽日test喎...算喇....by luck喇....