搞掂哈爾濱嗰度嘅經銷商.
再睇番份聯絡單.先發覺原嚟除咗哈爾濱之外.黑龍江省仲有一間喺大慶.
算咯...臨時改變行程.今日就去大慶.
尋日買嘅車票.去到先同我講話全日冇車到大慶(當時我係唸住搭汽車).
冇計.唯有臨急臨忙去火車站買票.
好在.喺咁多人嘅情況之下仲可以買到車票.
去到大慶之後...
成個人傻了.車站出面冇好似哈爾濱咁嘅情況啦...
不過就好熱喇.行行行...行咗好耐唸住搵間酒店.點知都冇乜幾間.
有嘅賓館就冇得上網.於是符就打的.最簡單快捷嘅方法啦.叫佢幫搵酒店.
上到車同個司機傾到先至知.原嚟車站出面嗰度唔係市區.市區喺另一個地方.
離車站差唔多成十公里遠.鬱悶...咩鬼地方嚟架....?
去到之後.係就有酒店.不過就好大.幾靚.同時亦都幾貴下.
搵咗成個鐘.都冇乜幾間.唯有去間平平地.二百幾蚊嘅.唉....
大慶係就係幾乾淨嘅.啲建築物亦都比較新.唔似得哈爾濱嗰啲鬼咁舊.
不過大慶入面嘅嘢就分得好散.唔似一個大城市咁...
不過東北呢度其實打的都幾平架.有啲唔打標.有得講價添.
司機又好似賽車手咁喎...夠刺激.我鍾意.
其實啲東北人都幾健談嘅.平時唔係好識得同人溝通嘅我都同佢哋傾得好埋...
東北人夠豪.豪放吖...豪爽吖.哈哈....
而且都好有禮貌.比起廣東人計.好好多.唔講禮貌嘅.只係一小部分人.害群之馬吖....