搭咗成38個鐘嘅火車.終於到咗第一站哈爾濱啦.
本嚟唸住終於都去到目的地咯.會有個好心情.
點知一出車站...呆了.....
車站出面超亂.或者係我大鄉里.未見過咁嘅場面掛...
仲有仲有.其實喺車站入面都覺得有浸味道.好難聞嘅啦.
點知出到嚟仲衰.臭到鬼咁...
都唔知咩鬼地方嚟嘅.
出嚟車站.有好多人喺度問要唔要搭車.要唔要住旅館嗰啲.我一概不理.
有個好大隻嘅男人走過嚟問我要去邊.我話:"你不要管我"
跟住佢講咗幾句說話.真係嚇死人.算...走人.一于唔理咁多.
呢啲不是好人.睇嚟我真係講多錯多.一于唔講嘢了.佢叫都話之佢.
越行.發覺越臭.都唔知咩鬼地方嚟嘅.仲話係大城市.又臭又污糟...
唔理啦.直接搵間酒店住落嚟算了.
其後嘅嗰一日都唔夠膽出去...唔想喺出面臭死自己...