中午12点几先嚟到大连.
嚟到又係郁闷.因为要煩住搵酒店住.
次次煩親呢啲都要成個鐘....
呢邊啲酒店太貴啦...差唔多全部都200以上嘅.
搞掂啲嘢.下午就去咗經銷商嗰度.
去到之後.先至知佢嗰度冇得上網嘅.
用手提個CDMA無線上網.但係真係好慢.
無奈...唯有聽日再去.走嗰陣係三點幾.
再問另一間經銷商.五點就收工咯.咁就廢事去.
自己去行下.去睇海.咁大個字.小學嗰陣去珠海.
望過一眼海.當時冇留意係海.到依家.終於都有機會睇海啦...
感覺超正.大連真係好靚...建築物都好有特色...
自己一個行到星海廣場...途中有人叫我幫佢影相.哈哈...一開始我仲以為佢話幫我影相.
搞到我拎曬頭.後尾佢再叫我我先知原嚟係佢叫我幫佢影.
冇所謂.咁就幫佢影咗兩張.啊哈哈....
之後去咗坐觀光船.60一位.有個美國人問我識唔識講英文.
哈哈...我話識少少.幫佢問價格.買咗張非.跟住就一齊坐船啦.
其實當時真係幾尷尬.我啲英文....真係無言啦...
坐船坐咗半個鐘.呵呵...爽吖.啲海風吹住.好舒服.
船上面我都有幫人影相.哈哈...幫靚女吖.
坐完船.再行下.撞番個美國友人.本嚟就知佢係住喺上海嘅.
喺當地做英語老師.於是符問佢摞咗電話.遲啲去上海嗰陣唸住搵佢.哇咔咔...
番咗酒店之後.查下火車票同酒店.唉...呢啲嘢真係煩.
查完之後.就出去唸住買火車票.點知冇.得個鬱悶...
算.行去勝利廣場.哇...真係超級熱鬧.有好多外國人.人山人海.
喺度我真係覺得自己好渺小.呢度嘅女仔...80%都係高過我嘅.
去咗間吉野家食飯.哇咔咔...都係一樣.好好味...不過衰在係珍珠米.
日頭同夜晚嘅大連.一樣咁多人.一樣咁繁華....
大連...我愛你吖.哈哈...有機會嘅.下次我嚟呢度嗰陣.我一定係一個遊客.
wait me.....