話說今日.竟然係我出嚟咁耐(ER....其實都唔係好耐.一個禮拜到咋.).一日走最多經銷商嘅一次.
一次過.一日就走咗三家啦.哈哈...其實點解呢?
米就係因為想等多啲時間出嚟.放下自己假(其實就是偷懶唄.哈哈...).
下午四點幾就搞掂曬啲嘢啦.按照原定計劃.個區域經理就帶咗我去奧運會嘅主場館附近喇.
and...北京嘅公交真係好唔慣.分主道路同輔道路.中間兩條係主.兩邊兩條係輔.
最緊要就係兩邊都有公交站個喎.唔熟北京嘅人嚟到真係唔知點搭.
不過價格嗰方面就真係好抵喇.都係一二三蚊到.地鐵就搭到邊度都係兩蚊雞.
而且搭幾耐都得.呢個地鐵真係夠抵喇...哈哈.我鍾意.
嚟到奧運主場館之後呢.都係喺出面兜圈.因為冇門票.冇得入丫嘛...
一路上...应该话成个北京都有好多志愿者.见到佢哋嘅衫.真係好钟意.
唉...最衰冇得卖啦.唔係嘅话我买件嚟做纪念品.
睇到鳥巢.出面睇嘅話.就唔係好覺有幾大喇.唔知入到去係咩感覺呢...
鳥巢.電視入面睇就覺得幾靚喇.不過現實睇嘅話.真係覺得幾普通下.
銀灰色嘅鋼架.講真...咁嘅顏色真係冇乜特別.冇咩特色.唔係好like....
之後之後...兜咗半圈之後呢...竟然...見到鳥巢入面嘅圣火吖.
Yeah~~!!!咁大個仔.第一次見到圣火吖.雖然離遠睇.不過都覺得很好.
其實嚟呢度.我最想就係睇水立方.見到水立方之後.同電視入面嘅又係另一個感覺.
真實嘅水立方.係真係唔係好大架咋...離我想象中嘅太遠啦.
而且而且...啲膜上面好似幾污糟下....
不過呢...講真就真係幾靚嘅.
依家係日頭.我要等到夜晚睇下鳥巢同水立方嘅燈光效果.
hope...我唔會失望啦...
night...wait me...

好喇.到咗夜晚之後呢.七點幾鳥巢率先著燈...覺得.比日頭個樣好少少而已...
等吖等.到咗柒點半.期待嘅水立方閃咗幾閃.終於著燈啦.
真係好靚.虽然睇唔睇水立方变到七彩咁色.但係藍色嘅水立方.係最襯嘅...
唉...真可惡.一路上.由我出差嗰日開始.身上冇手機.又冇相機.真係激死...
咁你哋就錯過咗好多好靚嘅景色啦.希望番到去之後.買部手機.下次行程就可以影影影啦...
嚟咗北京都兩日啦.覺得北京幾好.唔似以前嘅記憶.覺得北京好舊.乜都唔好咁.
其實奧運會期間係好啲.因為實行咗好多呢樣管制.嗰樣管制咁.
anyway...北京.我愛你吖...
睇完之後.走佬.竟然走咗成兩個幾鐘先番到嚟.
期間搭地鐵.搭公交.蠻恐怖的說.對腳係咁向我示威.都冇計啦...
哈哈...行咗咁多路.我都算係應下節.齊齊奧運...
聽日去天安門睇下...哈哈...