照舊一大早就起身.兜兜轉轉.轉轉折折...搵到公交站先話已經停咗去北京南嘅車站啦.
無奈...唯有打的去.話時話...北京打的真係超級貴...
到咗北京南喇.啱落車...先至記得行李仲喺的士度.好在有摞發票.
唔係嘅話真係唔知點死番啲行李番嚟.即刻打電話過去.司機幾好人.幫我車番嚟冇話收我錢.
入到車站.之後...真係夠新夠靚.新車站果然係唔同啲嘅.
去到買票.先知呢度係搭CRH(和諧號)列車嘅地方.我搭嘅就係CRH.哈哈...撞啱啦.
but...買票好唔方便.等好耐(之後先見到有自助買票嘅嘢).
真係一波N折...因為要出差.因為要去天津.因為要搭車去.種種咁多嘅原因...

依家喺CRH上面.爽吖.地方好干净.虽然係坐二等舱.但係空间都係好阔嘅.
坐咗上去.冇咩感覺...顯示屏就顯示依家嘅時速係250KM/h...
跟住...不斷咁跳吖跳...一直到335KM/h...
睇住眼前一切嘅嘢.一切都喺瞬間被拋喺後面嘅感覺真係好正.
咁大個仔.依家試過係最快嘅速度啦...無與倫比吖...
話時話...都冇咩感覺.唔使半個鐘就由北京嚟到天津了...
爽吖.....

出咗車站.真係好覺得陌生(廢話...).唔知去邊好.一于唔理.去M記嚓番餐先.哈哈...
之後之後.意想不到嘅事又發生了.打的去到目的地嗰陣...竟然又唔記得摞行李...
救命吖...今日我做乜咁黑仔.好在好在.個的士司機發覺我冇摞行李.喺個路口度等我.
唉....超級黑仔...
做完嘢.四點幾.發覺呢個地方真係同想象中差好多.
雖然係首都北京隔離.但係就好似係另一個世界咁.好山...
酒店賓館都少之又少.轉轉折折...成六七點先搵到....
而且我發覺...又貴.又差...廣州之後.發覺住嘅地方就越嚟越差啦.
but...以前住嘅.有啲地方都好抵嘅...