實屬無奈...
冇座票真係陰公.瞓唔著.坐喺地下啲人又走走下.瞓鬼吖...?
鬱悶鬱悶...繼續鬱悶.
朝早七點.終於到站...
一出站.真係凍到騰騰震....
可能地勢比包頭高.仲凍過包頭都有...
唸住去搵間工行摞錢.其實係想搏下...我都唔知有冇錢.
個身剩番廿幾蚊cash喺度...都唔知點死...
搵到間工行喇.點知八點半先開門.
無奈唯有搵間酒店先.
好在嗰廿幾蚊仲夠俾的士費...
去到酒店...唸住用銀行卡(我嘅係借記卡)嚟開房.
點知佢話要用信用卡(可以透支嗰只).又要我走嚟走去...唉....
成日冇瞓過...開房即瞓幾個鐘先....

瞓咗幾粒鐘.下午繼續開工...
做完嘢.去買車票...點知剩買到[銀川-蘭州]嘅車票.
話蘭州到廣州嘅算係異地票.票源緊張.唔對外出售喎...
死啦...咁我唔使番屋企喇...?