呢啲嘅死人普快.冇冷氣.又熱又煙悶.
救命...真係頂唔順啲細路仔喺度.上車到依家都係瞓得嗰幾粒鐘.
再係咁真係死俾你睇.啲死人普快.又要讓車.讓車嗰陣又要停咯喎.
真係曬時間.唔開車又冇風.更加熱啦....
頻頻撲撲...終於嚟到北京啦.
本嚟北京係中轉站.不過既然嚟得北京咯.
咁就一于改路線.先走完北京同天津先咯...哇咔咔.
不過嚟到北京呢度之後.原本腦裡面簡單嘅世界立即變得複雜起嚟.
呢度又要點.嗰度又要點.諸多限制.而且啲道路同所有嘅嘢都唔係一般嘅複雜...
救命吖...
聯繫咗區域經理之後.又係等...跟住呢.佢話幫我搵到酒店.
叫我搭地鐵過嚟.
北京嘅地鐵真係冇得談...一嚟到已經有機會感受到人逼人係點嘅一回事.不過呢...
兩蚊搭去邊都得個喎.哈哈...(呢個我后嚟先知道.)
嚟到"山地方".搵到個經理之後.去ya飯.原嚟ya飯都係一件唔簡單嘅事.
想去嘅地方裝修.唯有番番去酒店隔離嗰間嘢.
又係食烤肉.北京...呢度啲嘅真係冇沈阳同大連嗰邊啲嘅咁正宗.講真.好一般吖.
好似食緊嘅係屋企煮嗰啲牛肉豬肉咁...
一于唔理.填飽個肚為上.點解....?今晚又要我飲...?
|
