中秋佳節翼日,看到很多朋友都在放假 不過桃子就需要返工了,

但桃子並無唔開心 因為有工返,即是有生意~有生意就有錢開飯,有錢買野~ :)

講起買野~今晚食飯時候桃子就去莎莎了~ 係莎莎咁魔鬼既地方,當然會失手.要買野啦~呵呵~

(不過有泊車優惠,買野果然會鬆手D..因為就等如用泊車錢黎幫補買野嘛...變相平左~嘻嘻...奸笑)

最後忍唔住手買左幾樣野.全都是唇膏 :) 

左邊:Makemania DATA Sweet Peach Wish  ($95 )

中間:那個純綷是做特價才買~ Maybelline baby Lips Stick (原價$25,特價$15)

右邊: Candy Doll Lip Stick Ramune Pink Colour:3E ($68) 三款產品也是購自莎莎~ 

首先講下呢個.其實呢個牌子之前我有買過眼影筆黎用.係的確唔錯.所以想買呢支黎玩下~ 個顏色真係好靚..係我最鐘意既蜜桃橙色

不過就咁聞就OK.但上嘴以後就有少少難頂...好似香精味..

但係個唇彩既質感不錯..不太黏笠

另外呢支PO左係FACE BOOK之後詢問度超高

好多人都覺得個PACKING好靚.

其實個包裝真係幾靚既,雖然桃子唔鐘意黑色,但不得不承認有少少俾個包裝吸引到

這支唇膏吸引到桃子買既原因係佢個包裝上的唇色圖真係好靚,

但當然塗出黎既顏色永遠唔會有人地咁靚啦

不過..上唇以後的確係好靚既

不是買花讚花香,這是上唇圖..(對不起..個嘴旁有少少甩皮..

真係好鐘意呢個玫瑰粉紅

而且搽左上嘴之後完全無黏笠感,

但係感覺又好滋潤,就算用大半日個嘴仔都無甩皮...

同埋佢個唇膏搽左上嘴之後就算你用嘴抿個唇

佢D唇膏都唔會走晒住..(即係唔會變成一達達...唔知大家明唔明我講乜呢...哈哈哈)

所以我最近都好鐘意用呢支唇膏...用完之後成個人好似後生左好多咁,,,,哇哈哈

好啦希望大家鐘意我今日既分享啦...下次再講過

以上產品全是自購的~純綷個人分享,絕無廣告成份

馮師奶桃子/mrspeachfungfu

宣傳你的專頁

個人主博客: http://mrspeachfungfu.wordpress.com/

個人主專頁: https://www.facebook.com/MrsPeachFungFu

個人主視頻: http://www.youtube.com/user/MrsPeachFungFu

個人主電郵: [email protected]

 HI.大家好,今次要為大家分享既係...飲食

今日(23/9)老公好多野做,收工果時已經係八點了~但係衰衰既我仲要扭計仔去街街~(其實我地真係成個禮拜都無行過街)

最後扭計成功去左屯門行左一陣間咁多~老實講...八點收工去到屯門都已經成八點九左右了~仲有咩好行啦~

結果...一去到屯門就衝去BOURJOIS睇野~跟住瞬速地買買買....(想睇我買左乜請去>>>>>>呢篇)

然後我地就坐底食野了~

講起呢間叫小雲川雲南米線小店~

係有個小小既故仔既

話說最初...大約兩年前...但係每一次係門口經過都會講:"老公..下次我地黎呢度試下囉..."

結果..如是這~我地咁就講左年半了~

本來這間小店隔望兩間舖都有一間好好味既小店叫小魚知味..

(可惜宜家不敵租金執左LU..真的很懷念佢地個上海排骨菜食同熱朱古力..仲有佢個鮮魚湯好味到震..可惜無左了~ :( )

直到有一次去食這間小魚知味既時間,點知佢執左笠之制~

我地最終都走入呢間小店食野啦...就算係還一個心願吧~

事實上這間小店門面是其貎不揚..沒有華麗既門面,沒有裝潢的裝修..但好好食~

佢話自家精心醃製酸菜,的確佢D酸菜真係幾好味架.醒胃野味~

不過因為我地兩公婆都唔食辣.所以無辨法可以試到佢話勁正既辣椒~

不過鐘意食辣既朋友可以一試.試完可以話我知好唔好味啦 :)

仲有佢碗湯都好好味架~成碗麵既味道都好好...完全唔覺得麵還麵味湯還湯味餸還餸味架~

桃子的飲食習慣比較奇慣.喜歡食既野成日會心思思想去食..就算每次食同一款都唔會覺得嫌...

而去這間小雲川我最愛食既就係肥豬腸米線啦~

係~!!大家聽到"肥""豬腸"都會驚一驚...雖然我平時好少食內藏,,,

但係呢個真係好美味架~佢D豬腸完全唔臭~洗得好乾淨..

加上酸菜..同埋佢碗米線..真係好好食~

當然...間唔中去食就可以...多食對身體都唔係幾好既..始終係不健康食品~

PS:少吃多滋味,多吃壞肚皮哦~

唔鐘意食豬腸既朋友可以選擇我老公食既呢隻雞扒米線,同樣好味~

其實佢仲有招牌腩肉米線同珍寶大薈米線都好想試..可惜唔食辣無緣試啦我~

希望大家會鐘意我今日既分享啦.

如果大家鐘意睇我以後再寫多啲呢類既文章分享啦...

多謝收看~^_^

以上純碎個人分享,絕無廣告成份~

馮師奶桃子/mrspeachfungfu

宣傳你的專頁

個人主博客: http://mrspeachfungfu.wordpress.com/

個人主專頁: https://www.facebook.com/MrsPeachFungFu

個人主視頻: http://www.youtube.com/user/MrsPeachFungFu

個人主電郵: [email protected]

 混亂的頭髮本來想係時候要講佢講拜拜

中秋把幾火,諗住剪頭髮,問好公司樓下個剪髮佬得唔得開想快剪,

佢話得,我就落去等,一落到去心知不妙,

成舖頭都人,咁佢話就得,我就坐底,等下等下就等左半小時仲未有剪,

於是我借食遁,我話肚餓食野先,

我知,你剪頭髮手勢好我都好鐘意,但唔好下下要等咁耐得唔得先。。。

嬲嬲地,呢獲死好多細胞

幸好嬲爆燈之制咁啱對面舖頭那位美麗又好人既姐姐請我食美味的蟹柳~條氣順返唔少~

算啦！anyway 祝大家中秋節快樂,人月兩團圓

隨博附上團圓飯餸菜一張

還附上老公拍攝的滿月一個~

就這樣~

 話說早幾日老公佢買左新玩具玩~

咁我無新玩具唯有玩佢果個啦~

今次我用左佢部新既LG G2 F320S既新手機黎拍攝呢條片~

呢部機係可以出到1920X1080 60P既影片格式~

而且佢係有三級光脷防手震拍攝功能~

有左呢個功能係無用腳架既情況下都唔會有鬆郁朦既情況出現~

所以影出黎既片非常清淅~

比起我部G PRO拍出黎既野仲好...(葡萄...)

同場加映

試拍效果

 老公有新玩具玩我無 :( 唯有同佢爭玩具玩啦..哈哈~係佢個新玩具果度發現左一個好得意既東西.所以拍條片俾大家睇下有幾得意~