今日天氣都幾凍下... 好唔想起身喔!

d老師終於都上番堂啦 (尋日自修x7)

不過都係好悶!!

============================================

今日夜晚果陣

我叫左我個fd去「大興商場」的「華昌文具店」幫我影印

之後印完番來... 份原本就搞到亂晒

副本又亂晒, 有d仲用左其他大細既紙印

我當然唔服氣啦, 落去同佢理論

我:「想問下影印要幾錢架?」

職:「五毫。」

我:「但係果度寫一百張以上四毫架wo」(我拎住果疊超過100張的副本)

職:「係一式一百份先四毫wo!!」(張告示冇咁寫)

我:「咁想問下點解咁貴既? 我地計過好似都唔洗咁貴架wo」

職: 「你有幾張係用左大紙印架嘛, 你睇下」

(我地見到係用左張大過F4既紙一次過印兩板, 而且果兩板野縮細左)

我: 「我地都冇話要咁」

職:「一樣姐, 兩板嘛」

我: 「細左wo」

職: 「唔好嘈, 得啦, 印過佢啦」

(佢開始印過份野...)

我:「仲有呢, 點解印完之後原稿會亂晒架?」

職:「邊有丫, 你問下她丫! 有冇亂到?」(同兇惡既眼神望住同指住我朋友)

(跟住我朋友拎番份野比佢睇, 但係佢睇都唔睇)

我:「望人地印野又話人地疊野又有咁多釘, 又要整到亂晒」

職:「我地幫你印野架咋wo」

我:「咁你地都有責任囉!  依家都得番你地依間文具鋪啦, 改善下d服務態度啦」

(職員開始發晒脾氣)

職:「我地比埋咁大張野你, 仲話我地服務態度唔好!?」

(跟住有幾個客入左來, 佢仲開始愈來愈惡)

職:「走啦你地, 都唔知係咪學生泥既!」

(我望一望佢)

職:「頂你個肺!」

我:「咩話你!」

職:「咩丫, 咩學生丫你, 都唔似學生!」

跟住我地走左啦

============================================

真係好過份囉! 依家d咩服務態度先!

以前係曾記都唔會咁多怨言啦, 又話咁多釘又話咩

同人地印完又唔整番好佢

如果係要自助影印既, 去對面既圖書館仲好啦

起碼可以自己手動調校下

下次鬼去幫佢買野!