====================前言====================

新年都係大陸有feel D, 所以就番左大陸行下啦

目的有三:

一、散心

二、去掃貨(動漫)

三、尋找以前既我

今次同以前果d一樣, 都係我自己一個番去

點解呢?? 你可能會問我點解會咁有膽自己一個番去

其實....都有段故事既.....

=========故事開始=========

大家都知道, 我係一個香港人

不過, 我既童年唔係全部係香港既

因為老豆老母唔得閒照顧我, 所以當我讀完幼稚園低班之後

我就番左大陸, 同公公婆婆+舅父住...


番到去, 就讀左半年幼稚園, 同埋一年小學

果陣已經開始熟悉廣州依個城市

廣州比我果種親切既感覺就係由果陣開始

我仲起得果陣廣州仲可以比電單車行駛

我舅父一到假日就載我去好多地方玩

好似白雲山、越秀公園果d地方, 成日都去玩

有時就去飲下茶, 出去食下飯等等

當時我地都算係有錢果類架啦~ 所以真係好滿足!


過左年幾既時間, 我番番來香港讀書

因為大陸同香港既教育唔同

所以我就讀番高班(幼稚園)

原先可能要讀多一年, 去適應番香港既教育等等

但當時我唔肯, 所以就岩岩好趕得切同同年既學生讀小一


但係因為我都唔捨得廣州既親人....

所以每兩星期既星期六日就會番去行下, 假日當然唔少得

即使果日落雨又好點都好, 我都要番去....

不過, 到左小三小四左右, 就開始番少左啦

跟住就變左假日先番去....


到左中二, 因為有一次我同屋企人嘈交

所以果次我自己番去, 唔同佢地番

就係因為果次, 之後我就鐘意左自己番大陸既感覺

=========故事結束=========

唔好以為自己番大陸好容易, 其實都有d問題

因為我通常都會由羅湖番去

而羅湖逢長假期就會出現恐怖既人潮

所以要做好「預防行動」XDDDDD

過左去之後, 就要去買火車票....

通常d售票員會用d半咸半淡既廣東話同你溝通orz

唔好以為上到火車就好安全, 咁就錯啦

你仲要好好咁睇實你d行李.... 多人果陣仲煩...

講到依度, 就咁多先, 報告正式開始!!

================前言結束================