開學啦 !!!   
 時間過得真係快呀  ...
咁快就到9月1啦      我仲想放多d假呀...><

今日6點起身  都係未睡夠  攰到死死下
但係都係起左身    7點幾就同牙里、KITMAN會合
落到屋企樓下  見到牙里   我終於見到佢剪左既新髮型啦 (個頭髮都ok既)
之後再同牙見會合   但係返到學校 .....
一入學校門口   就比CYY叫名   話我個頭髮唔得  要夾頭髮   仲記左名tim
後尼牙里同KITMAN冇量體溫  就陪佢地排隊量體溫
點知條隊長到佢呀   不過都唔係排得好耐姐
之後就入班房    班主任係陳穗同譚志威  
跟住就上週會   我聽到石SIR話 F.2 可以夾 BAND 上拉闊  即刻好留心咁聽 
但係我F.3  叫我點上拉闊呀   唉...  不過我唔會放棄架 !!!
後尼仲識左幾個同學仔...不過冇問佢叫咩名..
跟住不知不覺就放學LU..

放左學   就同牙里一齊去左KITMAN屋企玩    開頭有D驚驚地去KITMAN屋企...
點解..?!  就係因為KITMAN屋企隻狗  佢太活躍啦   牙里嚇到走到好遠
不過後來就同隻狗熟左就冇咁驚   牙里就OK啦   仲係有小小咁驚驚地啦
不過今日真係過得幾開心...