不知不覺 620已經過左差唔多兩個月
我地既關係 亦都已經正式結束左差唔多兩個月
雖然我地大家都唔糾纏 大家都過緊各自既新生活
但係 呢咁耐以黎既日子 偶然諗番起我地一齊到現在既點滴
不禁都會有少少鼻酸 有少少懷念...
記得第一次見你 係學校 當時我地兩個都唔識對方
甚至乎 你會懷疑到底係唔係真係有見過我...
都正常既..3日比人踢出校 我都應該破晒記錄
大左之後 有緣份地係neway撞番
又真係又咁有緣份地比我認得你
咁樣相遇番 對我黎講 都算係幾特別
我仲記得我係果間學校果3日 既第2日
咁岩係歌唱比賽決賽
又真係又咁岩你就坐係我前邊
可能因為你太嘈 我一路係後面望住你
我仲記得坐我側邊果個同我講
呢條女好爆炸 唔好諗太多
咁又係 你真係好爆炸
第2日先發覺 原來你就係我去開果間網吧到做
當期時 我仲係elaine既陰影里面 仲未行番出黎
卻不停咁樣 照顧你既所有
陪你傾計,解決你同你男朋友之間既問題,
借膊頭比你喊.
就係第一次借膊頭比你喊果一刻
我先開始了解我既問題
你既眼淚流係我身上 我覺得好難受
果一刻我仍然覺得 我只係憐憫你
我仍然相信 我心里面既係elaine
到第2次 我先真係知道自己原來已經鍾意你
雖然一直都有打blog 但係我一路都無比你知道我到底點諗
之後每一次你攬住我喊 有首歌就會係我個腦里面不停重播..
『抱著我 你的淚 卻為他而掉』
記唔記得果一晚 你地又一次嘈架
我仲好記得 果一晚落雨
好大雨,好凍.
我帶左你番我屋企樓下
拿左件"嬲"比你 同你一齊等你男朋友
到你男朋友黎到果陣, 我親手 將你交左比佢
強忍眼淚原來真係好難
但係我成功左
我係送左你地上的士 令轉左個頭 我既眼淚先跌落黎
時間一直都係咁過去,我越黎越難接受自己既內心
我開始逃避你,唔聽你電話, 唔應你信息, 連msn 都封鎖埋你.
無辦法啦 我就係一個咁樣既人. 既然我唔爭取 我選擇逃避
起碼咁樣 我覺得自己會好受D
又真係咁岩我地身邊有個多事的小怡
真係好鬼咁岩= = 佢又唔知點解無喇喇會搵到我個BLOG
仲要比埋你睇= = 而又咁爆炸既你 選擇左逼我 面對你
因為果6個字『對不起,我愛你』 令到我地一齊
中間經歷好多好多...
你陪住我咁 渡過左逃避子賢果段日子
你陪住我咁 渡過左我事業既最低點
你陪住我咁 渡過左我家人離開我既日子
一切一切 都係你送比我既禮物
而我 就只係留低好多唔開心既回憶比你
雖然你話 無後悔過同我一齊 但無可否認
你既傷心 係我帶比你
我只係想同你講多3個字『對唔住』
祝你同你現在那個他 可以開心D
我都會努力向自己目標進發
愛情對我黎講太麻煩了
雖然好想有 但如果要我選擇
係你 同事業之間做決擇 我選擇既係事業
係你避逃我地之間問題既時候
你都係咁樣選擇 對吧? |
