老實講，我真係好唔捨得二家姐就咁嫁左，我記得我以前好唔鐘意二家姐，點解呢？ 因為我以前成日都比二家姐狂鬧。 諗起都話自己白痴...  

-----9月22補-----

我二家姐讀緊書果陣，我成日都搞到佢鬧我，因為我成日都拎佢野，之後收埋，然後就會一直比佢鬧，鬧都好唔開心，但係到左最後都係無事。一直咁慢慢長大，我記得沙士果段時間，家姐已經出左黎做野，佢返到屋企，係咁咳，我好驚佢有沙士，我同上帝講：你唔好比家姐有沙士呀！！係既就我有沙士啦，總之家姐唔好有沙士啦！　咁講，仲喊晒添，呵呵。由細個到依家，二家姐變左好多，以前佢就日日鬧我，但係依家就好錫我，所以我真係好唔捨得呢個家姐！就咁就嫁左比人喎…同家姐有好多好開心既回憶，亦都要多謝家姐，佢好照顧我！！　希望佢可以同二姐夫白頭到老！