相信各位實見過人地賣旗啦
但係點解人地唔買 佢地仲咁開心呢? 以前我都唔明
原來賣旗真係好好玩架!!  即使人地唔買都一樣!
當然有人幫你買就最高興啦=]

今日我地學校賣旗, 我同阿媽-陳敏敏一齊賣~
成績尚算唔錯!! 真係好玩!!  雖然只係賣左一個上午..
但係我都覺得好好玩, 有d人真係好有心, 唔洗叫 都會黎買
你賣緊比其他人, 佢會企係度等你~
而有個自己都係需要人地幫助既, 亦都有捐, 而且得一位
果位令我印象深刻!!  當我過去叫佢買支旗, 佢問我咩黎
我話可以幫到有需要既人, 佢同我講話 佢都好有需要,
我話無所謂呀, 有心就得 佢話, 等我睇下有無散銀先.
結果佢無散銀, 而自己亦需要睇醫生, 我見到佢個銀包
只係得3張20蚊, 佢真係拎左20出黎捐, 呢位太太真係好令我佩服
亦都令我覺得呢個世界真係有好人架!!!!!

賣旗又可以幫到人, 又好玩, 又可以見到心地善良既人
的確係好好!!  即使人地唔買
祝今日我叫過買旗既人 身體健康

仲有果位太太, 真係祝你好人好報, 呢句係我同你講的
祝你好人好報, 身體健康, 萬事如意!
仲有你真係好好人呀!!

-----------------------------