今日一早起身, 就係為左去DE屋企!! 好開心呀!!
晨早就去左巴士站等安瑤, 等到頸都長左10cm~
之後就答巴士去火車站 搵衰野~ 點知比我地見到博士..
佢既衣著真係令人嘆為觀止..
我見到衰野唔想同佢企咁埋 專燈行開D 哈哈哈
之後我同安瑤買早餐時 珊珊就黎埋啦
去到大圍個商務之後, 見到小良同瓜瓜~
De黎到 佢話仲有一個, 係邊個呢? 原來係虧佬!
佢又比差佬查身份證啦 哈哈哈 個樣生到咁老 係咁架啦!
當初話要去De屋企既人成半班, 而今日就屈指可數.
呢班友仔真係丫.. 激死
之後就坐個專線巴士去De家, 叫做湖景花園~
一入到佢屋企, 就有種好奇妙既feel!!
當開始補課時, 我覺得De好似阿爸.. 教我地野咁= =..
仲有今日既佢同平時好唔同, 唔知係唔係因為佢既衣著問題呢..
定還是唔係學校, 所以佢既態度都唔同左呢..
佢真係好有爸爸feel.. 再加埋佢屋企果種間隔..
好似我姑媽屋企間隔.. 所以有種好親切既感覺..
仲有休息時間, De無私地拎左佢屋企既小食比我地食~
jelly呀. 餅呀 茶呀..
哇.. 好好客呀.. 好好人呀今日既佢
仲有佢同我地坐埋一齊傾計, 果種feel 更加可以話好親民(?) 哈哈
真係好似爸爸呀.. 同d仔女傾計咁~
仲有佢屋企望到望夫石, 真係望到喎~ 幾型 唔錯
12點幾就走啦, 點解今日補課補得咁快既d時間...
親切到唔想走添XD 之後我地去左佢樓下行下~ 原來有馬嬲架佢果度
仲有 湖景花園 個湖景真係大到你唔信.. D樹都遮住晒...
水又唔清, 萬分無奈. 不過其實環境都唔錯既, 不過都半山, 係熱d架啦..
之後我地就坐專線小巴走, 落去果陣見到最吸引我既 就係係附近既火化埸, 殯儀館.
真係心都寒寒地呀XD 日日都見到呢間野既話.. 真係omg~
仲有De夜晚晚想買野既話... 都咪話方便.. 極困難!
之後係大圍火車站落車, 去太和~ 同衰野佢地睇學校
珊珊同博士就去左沙田行街, 我同衰野 安瑤 虧佬快快睇完三育就唔想睇
因為好餓好累, 之後我地就去左明星飲茶XD
一人$37.x~ 好好feel XDD  找返黎既$9.
我地就去左7-11 買左樣野 4個人分
買左盒朱古力, 4個人一齊食 哈哈哈 真係勁精打細算囉我地XD
原來同衰野佢地出街都幾好玩架啵XD 得閒既join下佢地先XDDD
之後就同衰野去埋鄉中就返家lu~

總結.. 今日既De.. 我完全唔覺得佢係個老師.. 而係我既親戚..
老實講 真係好似阿爸 好慈祥.
仲有 最可惜係見唔到令夫人XD 即係De老婆=3=
仲有我心裡面好多問題 點解DE唔生仔既?????
呵呵呵, 今日真係好開心 De爸爸 哈哈哈

De家既相, 後補! 期待下啦你地!! 哈