原來真係「人大了，方知天有幾高」..
細細個唔識諗, 成日想要果樣野就要買果樣野, 但係最後媽媽都唔比, 我就發脾氣, 但依家大個左, 我就真係明白到原來出黎捱世界係好辛苦, 琴晚我自己就快訓教果陣, 係度計數, 買返部電話要幾多錢, 買roller鞋, 又要幾多錢等等. 我自己本身又諗住係新年假出黎做野, 賺返D錢去買返部電話, 做KFC, 計計下, 17蚊一個鐘, 即使我做足成個假期, 每日六個鐘, 我依然係得果1千幾蚊. 咁一個月都係得2千幾蚊. 計返我以前做麥當勞做果陣, 20蚊一個鐘, 返星期23456, 5點到11點. 一日都係120蚊度, 一個月都係2千幾, 以前我會認為呢度有好多錢, 好開心, 原來唔係. 我就諗到我無可能永遠都做麥當勞 KFC架嘛. 我寧願我今個假期真係好好去溫書, 好過我去返工囉, 我返工又會阻住我溫書既時間, 連累到我既將來, 我唔可以咁樣過左我既一世, 就好似cm講咁「你甘心嗎?」, 我依家可以講 我唔會甘心. 所以今個假期, 我一定會好好溫書, 唔返工, 電話求其買個算數啦叫屋企人, 我認為咁樣係我既最好既選擇, 我唔會後悔, 我要依我自己既宗旨去做人.
「只要自己唔後悔, 人生就不枉過」
「應承得自己既野, 一定要做得到」
| 
