其實, 有D野真係唔洗講出口都明掛? 攰架.. 真係攰架...
屋企人話我成日唔陪佢地 唔搵佢地 唔同佢地傾計, 但係我真係攰架
我唔係鐵人黎架, 我都係要休息架, 你地要休息我唔洗休息咩?
返工我都好大壓力架, D壓力我完全唔覺得係會出現係一個小小part time既身上囉
就學某人講 我既職位會因埸境而變,
「一時系倉務員...一時又系xx... 一時系PT...一時又系FT... 一時系打雜...一時又系波... 一時系愛將....一時又系發洩工具...」
救命.. 你要我做野 ok無問題, 你講得出我做得到, 但係當做緊既時候 可唔可比d時間我
你唔好認為d野可以幾分鐘 就做得完
倉唔係易執架, 又要方便你地 又要乜, 做做下你又比多樣野我做
不斷增強, 到頭你又話我做得慢, 無心做, 講真, 你有無真係比時間我去做呀?
拎野你自己唔識拎咩? 真係唔知係邊咩? 請問你咩職位呀? 我知既野比你仲要多?
咁你係唔係應該自責一下 反省一下呀?
你教識我做既野 你話多魚, 咁最終多魚既會係邊位呀?
多野做唔係唔好 但係太多野做就真係唔好! 我係人 我唔係鐵人
我好強調呢一點, 我未開口話放假 你就已經話唔得, 我係part time黎架,
一個星期假 你可以搵人頂, 最多我唔再係你呢間鋪做
反正我成日都比人當波踢, 走黎走去.
連某地方既人都要我教? 講真果個地方既野我真係唔熟, 但點解都係要我教?
佢係我既呀head 但係點解要我呢位小小下屬去教呢?
我入職既時候填既form真係寫 我係part time sales呀... 我咩時候有咁多職位呀?
份糧仲要得咁少.. 野就咁多野做.
我自問我真係承擔唔起, 我既壓力比起full time可能仲要大, 比起跑數仲要大
係呀, 我係唔洗跑數呀, 但係我既壓力 我既攰 你地又明唔明呀
唔好成日一直以為我唔理你地 唔幫你地做野, 只係我已經力不從心呀
我真係攰啦.. 我真係無以前做得咁好啦 因為我已經無晒動力啦
一句稱讚說話 一句禮貌上既說話 都無呀..
試問我仲邊度有動力, 仲有我呢份糧 講真果句 我自問我真係受得起.
我做咁多野, 我真係受得起喎 而且我覺得少添.
究竟你地有無係過我角度諗呀? 我都攰架...
作為我呀head.. 你又有無為你既下屬著想過呀? 一味咁自私..
作為我家人, 又有無諗過我有無時間, 有無精力去做呀? 我唔講公司既野 係唔想你地擔心
我諗我呢個part time 除左去要去開會之外,, 就好似乜都要做咁...
有d野 唔洗講咁多.. 自己明就得...
你有實力既, 你做到比我睇, 我就會服你.. 而你唔得你又多野講既 你唔配head我.
太累了.. 太累了... 一切都已經唔再可以力求完美啦..
可能我陳志豪既實力, 只是如此.. 就算係我既錯啦..
可能.. 其實只係我太廢... 哈哈
我都想有個人陪下我.. 但係點解偏偏都係貪我錢... 我依家好有錢咩? 真係血汗錢黎架...
唉.. 想搵個伴.. 都咁難, 誰是真心真意呢? 教我好嗎.. 告訴我... Please!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
