突然懷念小學身活，靈愛真係教識我好多野呀！！初時由屯門搬入天水圍，

真係好唔鐘意，又要轉校本身發覺呢間學校真係好差，睇落去咩都好唔順眼…

但係就係因為自己一向既‘主觀’思想令到睇法唔同、唔準。

　　「失去才懂珍惜」呢句話真係無錯咖，而家先發覺其實佢無形中教曉左唔少野，

果陣時痛恨既、討厭既，而家諗番起會覺得自己好傻，點解當時會有咁既想法咖。

本身我係一個非常自我想法既一個人，但係就係因為佢既教育、唔同既活動，令我

個人變左好多…

　　有人話學校「唔係一個完全學習既地方」，而係「一個學習社交既地方」，假若

你讀左咁多年書都學唔到「知識」的話，你係一個非常失敗的學生了吧！

　　雖然係呢間學校讀左短短既兩年，但係的確令我感覺到我有好大改變，小五上學期比人捉

左去參加「詩歌班」（唱歌）、「英文朗誦」，呢次朗誦比賽又比我見番小學果個ｆｄ，佢仲

拎埋冠軍ｔｉｍ…真係令到我都開心埋，第一年學做風紀，又擴大左個圈子、識多左一班人，仲

識左一大班小朋友；班長：一個好好既經驗，要學細心聆聽、分析、管理，嗯！一大轉變呀…

仲識左好大班ｆｄ呀！真係好開心囉﹏但係果時仲係唔係鐘意主動去同老師傾計…

　　到左小六識左ｍｓ曾，講番起黎真係唔知點解會無啦啦同佢咁熟，可能覺得佢個人

真係好用心教學，仲好ｎｉｃｅ，佢仲成日同我地講笑，當我地一叫「beautiful ms 曾」就一定

有求必應，真係覺得好搞野，佢係教「人」唔係教書咁簡單，訓導主任又看重我比我做左總隊長，

佢仲話呢個係一個第二度學唔到既經驗，二百幾人由你管理，學到好多野，講真呢一年好享受，

學到多角度分析同人相處之道，以前做風紀果時真係有ｄ唔盡責咖，覺得ｄ隊長都無野做好休閒咁，

原來當你坐上果個位既時候，的確唔易做！雖然看來只係日日巡樓，見下風紀當值，見到ｄ野就要

處理，原來真係好辛苦咖，有ｄ人真係唔會理你咖嘛，但係做呢ｄ崗位就係要係呢ｄ時候學野…

　　到左小學六年級末期，全班同老師已經打成一篇已經無分你我咖啦，成班根本都已經

熟到食得，成日搞ｄ　ＢＢＱ、打邊爐咁…我地仲夾歌、打波，真係好享受，當時個感覺非常溫暖，

我地根本唔覺得男、女玩埋一齊有乜問題，大家知道個底線就得啦…

　　去ｃａｍｐ果次天公不造美（黃雨）但係都無大失望，大家一齊食飯、玩、訓（男．女舍）

全部唔訓講鬼故等，呢ｄ回憶瀝瀝在目，到ｃａｍｐ最後果日ｄ老師又黎探我地，好開心。

　　畢業典禮ｍｓ曾又搵左我做司儀，又比多左一個舞台經驗比我，學唔怯、執生、訓練口才，

真係令我改變左好多，好懷念呀！！

　　希望大家好好享受校園生活，失去才珍惜，也許都算是一件好事，但何不在擁有時珍惜呢？