星期五同左細佬佢地去唱k.第一次見到佢條女
ok既.幾玩得.希望佢地會好好啦.唔好好似我咁.感情路上咁失敗
唱完通頂.訓左3個鐘起身又要去陪人睇戲.睇戲之前去左買左幾件杉
之後個fd話買唔到飛.變到要睇下一場.不過我晚上要番工.所以無睇到
不過佢地之後話.部<海雲臺>超悶.好在我無去睇姐^.^
夜晚番完工又去左戈利到燒野食.原先我有叫zita去既.不過佢由此至於都無應承過我
所以其實我都知佢唔去架啦.書兒都早左一個星期同我講佢去唔到
唉~~~有d唔開心.不過算啦.....係戈利到玩得勁正
一如以往又比佢地蝦...不過我唔係好介意.反正好玩
第一次學果d串燒佬咁係到燒串燒.不過真係好好好好鬼死熱.隻手熱到爆
仲唔小心倒左成樽蜜糖去戈利男朋友個袋到.佢成個電話變左蜜糖特別版
好在無事.......用得番.我就學左小熊維尼咁.伸隻手係個勁多蜜糖既袋到拎番d野出黎
之後佢地又講到我之前條女呃我.話佢同我分手既原因係借口
我知佢地對我好.講既都可能係事實.不過我唔想聽到人話佢.........真係好唔想
之後我同恒仔出去買蜜糖.順便散下心....不過行左超多間店都無.蜜糖.糖漿果D野.買左D煉奶番去
之後我地玩左好多小游戲.中途仲走去撞鬼添.D女仔比我地嚇到喪叫
第2日9點番到屋企我一沖完涼就走去訓.訓到成6點先起身.因為實在太累了