今日勁累牙．．．琴晚１點幾先訓．．．結果去到生日會既一半已經覺得好眼訓啦．．．

１２：５０先至去到囉．．．因為．．．去左ｍｍｌｃ１用電腦搵資料．．．為的係．．．加番英文果２分！！！

終於去到果到．．．先知邊個係郭家燊．．．見到佢地已經開餐．．．好彩唔係食左好多．．．

唉．．．但係原來咩都未攞．．．之後去左問工友攞垃圾袋．．．嘩．．．都係第１次覺得自己咁大膽．．呵

食野啦！ｙｅａｈ∼訂左ＫＦＣ．．．但係原來唔係好多咋．．．食左一件雞．．．少少薯蓉．．．２盒飯一口都冇食到．．．更加唔洗講２件既葡撻．．．

好彩自己整左菠蘿腸仔，仲有思哲，牙婆，ｙｅｎｔｌ整左啫喱糖．．．而且ｂｅｌｌｅ　ｂｅｌｌｅ又買左蛋糕．．．再加上有幾個臨時缺席．．．所以ｄ野先夠食咋．．．

食飽飽．．．執好野．．．就開始我地既第１個ｇａｍｅ．．．Ａｒｅ　ｕ　ｒｅａｄｙ？

ｓｏｒｒｙ．．．答案係未．．．當正想玩果時，公豬轉果個１．２５Ｌ既汽水樽時，個樽蓋未關好．．．裡面其實仲有汽水．．．於是形成一個美妙既圓形．．．可惜果ｄ係汽水．．．果個ｇａｍｅ點解要用樽？因為個ｇａｍｅ就係．．．

豬　ｏｒ　爹牙．．．呵呵呵．．．思哲你要＜豬＞牙？ｋａｋａｋａｋａ．．．

ｄ問題好無聊牙∼但好鍾意公豬同思哲既ａｎｓｗｅｒ勁搞笑哦．．．轉到咁咁果到都唔錯．．．

大家都玩得好癲．．．好鍾意公豬跑第１０圈衝線果刻牙！！！好正！！！！

仲有大家一齊唱既＜我信愛是恆久＞，我都好鍾意思哲唱既＜我是個茶壺肥又矮牙＞．．．好正牙！！！！

不過你問我果題．．．＜你覺得我係唔係一個損友？＞真係嚇親我．．．冇諗過你會有ｄ咁既想法．．．從來都冇咁諗過．．．如果冇左你．．．我真係好難想像我會點．．．遲ｄ打既日記再慢慢講．．．

之後唔知邊個突然之間諗起我地個蛋糕．．．所以大家又再食野．．．係食之前影番張大合照先．．．見唔到有人．．．見到ｍｉｓｓ　ｗｏｎｇ想搵佢幫手，點知已經返左去，跟著竟然比我地見到個姐姐．．．佢就咁比我地拉左過去影相！！！

唔知今日影既學生相同大合照影成點呢？．．．分蛋糕原來要用量角器．．呵呵呵．．．要度岩３０度牙！！！

分到勁狼狽囉．．．／＼／＼不過冇所謂啦．．．本來我果到好多架．．．但係係食之前趁公豬唔覺，分ｄ比佢．．．

佢最遲食，但係好似係最早食完．．．諗諗下．．．點解果時唔問佢，點解你食得咁快既．．．．

再次執好野．．．開始我地第２個ｇａｍｅ．．．同生共死，你死我活．．．

首先解釋遊戲玩法．．．每個人寫自己個名投入第１個袋裡面；之後再寫一件大家都做到既事投入第２個袋裡面；最後既一個袋就裝左４張紙：同生，共死，你死，我活．．．

首先大家先抽左邊個，然後再抽第２個袋裡面既野睇下佢將可能做既野．．最後就係關鍵．．．抽到同生既話，你同抽到果個人都唔洗做；共死既話就一齊做；你死，就係抽中果個做；我活既話就自己做番．．．

唔知點解硬係抽黎抽去都係果ｄ人．．．包括我，郭ｘｘ，公豬．．．唉．．．而且又係果幾張紙．．．

＜指著咁咁講，你係豬＞係其中一張，＜飲水＞係第２張，＜原地轉３個圈＞係第３張（我同太婆一齊係呢個）

大家都不約而同好鍾意轉圈．．．仲有２張係轉圈．．．雖然抽左１０幾次但都冇抽到我果張．．．好彩冇．．．因為我果張係自轉２０個圈！！！

郭ｘｘ轉左１０個圈已經跌左落地．．．

玩玩下．．．唔知點解大家都係玩番呢個＜豬　ｏｒ　爹牙＞．．．

無端端個個係到唱聖詩．．．好無奈．．．小學唔係基督教冇學過．．．幼稚園果ｄ都唔記得曬啦．．．

跟著愈聽愈眼訓．．．冇咩心機繼續．．．

冇幾耐轉左形式．．．＜豬　ｏｒ　爹牙＞，每轉到果個人．．．果個人就要食之前買落但未食既芝士圈．．．好想食牙．．．

結果．．．最後大家都唔理，你一條，我一條．．．思哲仲係咁食囉．．．人地遞比我隔離果２位．．．但係佢為左食，仲繞過我．．．係佢地未攞之前先攞．．．真係．．．．＝＝”

唉．．．食完就走人．．．

ｐ．ｓ．原來係學校搞生日會都唔錯．．．不過今次真係玩得好開心．．．希望年年都可以搞到咁有聲有色！！！

Annabelle生日快樂！！