小學曾經係我每日相對既地方．．．熟悉．．．宜家呢？我真係覺得好好笑．．．我竟然唔記得左禮堂係４樓．．．真係好失敗．．．

當我正想行入去，我有ｄ驚，我發覺真係對自己既母校好陌生．．．已經冇嘜印象．．．已經勾唔起我既回憶．．．以前集隊既位置，企左都唔知幾多次，宜家要我搵已經搵唔返番．．．

見到果班跑去攞書包既學弟學妹．．．不禁諗番起以前既種種回憶．．．哈，自己好似好老．．．

等左好耐冇嘜見到以前ｄ好朋友，有ｄ失望．．．係禮堂門口重遇以前既班主任－－ｍｉｓｓ　Ｌｏ，發覺自己唔係好識點叫．．．唉．．．估唔到以前每日都叫幾百次，宜家竟然覺得唔係好識叫咁，遲ｄ我會唔會完全忘記應該點叫ｍｉｓｓ　Ｌｏ？同佢相遇既一刻，我覺得我冇預期中咁驚，講真我真係好驚ｄ老師問返我考成點，好彩佢淨係問我追唔追得上牙，之後冇追問落去．．．而且我發覺我竟然笑得好自然，全程都笑著同佢傾計，以前小學從來都唔會咁．．．睇黎我真係改變左好多．．．

係禮堂等，等，等，都係見唔到佢地，都幾失望．．．聽左一大輪錯漏百出既講話，隔離班男仔係咁係到嘈．．．無聊．．．

之後到表演，有一班好可愛既學弟妹係到唱遊，呵呵呵．．．．雖然聽唔到佢地係到唱咩，但係見到ｄ兔仔牙，馬嬲仔牙，花花牙＜人扮既＞，真係好得意．．．跳舞既表演都好好睇．．．佢地跳得好齊牙！！！而且個陣從來都冇亂到．．．５５，唔錯唔錯．．．

最後係由舊生組成既管樂團．．．．突然覺得好感動．．．見番幾個我識得既人，一切都好似當年一樣，冇變過．．．

出到黎仲見到２個以前畢業營同我同屋同房既江兒同ｌｉｎｇｌｉｎｇ，高左又瘦左，但係真係唔認得佢地，著衫既品味成熟左，我既意思係ｌａｄｙ果種．．．仲見到一個小六高得勁快，宜家仲高ｄ添，好似話有６呎喎，好自卑牙，唔敢企佢隔離．．．仲有一個小學人稱豬肉榮既肥哥哥，宜家瘦到得番排骨咁．．．嚇左我一跳囉．．．仲有一個小學矮我成個頭既男仔，宜家竟然同我差唔多高囉．．．Ｔ﹏Ｔ好自卑牙！！！

食左少少野，嘩．．．ｄ雞串好好味牙！！！之後係學校逛．．．

＊一樓既桌椅真係勁勁勁矮．．．完全唔岩我地坐，呵呵呵．．．

＊二樓既圖書館果位好玩哥哥冇返，仲記得岩岩升中一個暑假我地成日返去幫佢手！！！電腦室既電腦岩岩更新左，快左ｎ倍．．．

＊三樓既視藝室冇咩改變，見到鄧老師＆何老師，係我讀小二果年，一個２Ｂ（即我班主任），一個２Ａ，跟著我地幾個都係到笑！！！死黎生＆吳藹，話我同文意ｋａｉ，救命，我只係知道佢係咩東東咋，有咩理由牙．．．思哲ｈｅｌｐ　ｍｅ．．．鄧老師係到問我囉，今次真係有口難言．．．

＊六樓既課室唔開，失望．．．好懷念以前既日子牙！！！

差唔多走果陣見到一個同我都幾ｆｄ既女仔．．．傾左陣．．．唉．．．都幾開心，但係好似唔知講咩好．．．

仲有佢地定左係９／６ＢＢＱ牙．．．可惡，咁岩果陣考試牙！！！好慘牙，唔去得．．．