一大清早就返到學校啦，結果．．．佢都仲未開門！

都係講番之前，係巴士到，咁咁話０３送左禮物比佢喎，唉．．．不過咁咁話唔ｌｉｋｅ份禮物，要退番比佢∼
其實我聽到係勁火囉，邊到有人會退番份生日禮物架，我覺得即使你幾唔鍾意都好，都唔應該退番，不過畢竟係咁咁既事，我又唔應該講ｄ咩既．．．由得佢啦！！

跟著，我就去左３Ｅ班房，見到佢地一早就排好曬ｄ桌椅等我地，我有少少感動，之後仲聽人地講話，其實佢地今日係唔洗番學，但係佢地就特登番黎同我地練，我真係好感動！！

之後，我地好似練左一次就要去換衫，我琴晚搵左一條果ｄ牙婆著既褲，著麻件衫之後就更加似呀婆，佢地個個都話我好似呀婆，好開心！！不過我地仲有一位ｙｏｕｎｇ　ｄ既呀婆－２６，佢件衫比我果件慘ｄ，透視架＜仲好閃架，ｓｏｒ．．．無意取笑＞，結果問０８借左件衫，頂著先！

我地換完衫之後，就急急腳去左ｈａｌｌ，果時勁驚牙哲冇衫換，個Ｆ．３勁耐都未黎，嚇死我啦！！好彩最後都趕得切！∼

嘩．．．坐係ｈａｌｌ到又未到我地演出果時真係好驚架，我勁驚自己會唔記得台詞，所以一有時間就係咁諗番我果ｄ台詞，好彩最後都冇唔記得咋∼

到我地演出果陣，ｄ司儀都走曬，但係我地班人仲未開始囉，我勁火，點解佢地仲唔出去，但係後來先知．．．係佢地果邊台冇咪，ｓｏｒ．．．錯怪你地啦！！！

其實今次大家都做得好好架，只係都有ｄ做得唔理想

缺點：１.冇左開頭果段mｕＳiｃ
　　　２.都仲係搬野搬得太慢
　　　３.１３＆３４果場ｄmｕＳiｃ太大聲啦
　　　４.唱完第１句之後無端端停左，排完位先唱，怪．．．

總結今次既演出：非常成功！！！

０８既年輕時既牙仔，著睡衣，頭戴冰袋個樣勁得意．．．３６既牙媽ｏｋ牙＜唔玩既話會好ｄ＞；２６做既牙媽好似牙；我牙，都ｏｋ既．．．件衫；牙哲都做得好好，只係覺得比練習果時生硬左少少，不過終於冇走音啦；朋友做得幾好牙；牙爸就ｏｋ既＜不過冇感情，生硬，如果早ｄ搵你做會好ｄ＞；沙津都ｏｋ，不過可以更好架；旁白都唔錯；１３就唔洗講啦，普通話科長不愧為普通話科長！！

終於都公報賽果啦！！我好緊張，雖然覺得我地班好似好過其他班咁，但係唔敢期望太高，結果如下：

最佳演繹獎：中一戊班＿文同學＜都估到係佢架啦，唔係佢仲可以係邊個，佢ｄ普通話係中一呢講，可以話係超水準，天橋驕子係佢，今次又係佢，睇黎佢認第２，冇人敢認第１架啦！＞
最佳咬字獎：中一戊班＜有少少意外架，／＼／＼不過我勁開心呀！！＞
亞軍：中一丁班＜唉．．．果時諗我地應該唔會係冠軍，今次冇望啦，灰．．．＞
冠軍：中一．．．戊班＜我聽到之後開心到幾乎尖叫〔你得咩？〕總之．．．好難形容當時既心情＞

不過其實其他班好做得好好，只係比我既感覺係為左好笑，唉．．．見到牙哲果ｄ所謂既小學同學，１Ａ果個白痴，１Ｄ果個做ｄ好嘔心既野，小學既威名就咁樣．．．比人丟左，不過佢地三個都有份演出，睇黎佢地學校專出演藝人材！！

估唔到Ｆ．２既得獎班別同我地一模一樣，佢地之中都有ｄ幾好笑既，有ｄ真係做得好好，例如：攞最佳演繹獎果個，我真係睇好佢會攞獎架，佢真係做得好好！！

大家都做得比我預期中好好多，好過我地練習果時好多，好多謝大家都咁努力，咁比心機做好呢一次既演出，當然仲要多謝我地果ｄ大哥姐啦，佢地日日都好比心機同我地練習，冇左佢地，真係唔知我地會點牙，ｔｈｘ！！！

　　　　　＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊　　　　

下午真係好忙！！打完前果幾日既日記之後就趕著出門同ｄ親戚飲下午茶，順便食ｌｕｎｃｈ，嘩．．．等左ｎ咁耐先到囉，食完之後就返左屋企，

ｄ大人就係廳到傾計，嘩．．．勁嘈，宜我同我牙哥就係房到陪我表妹玩，都唔知依家ｄ細路咩構造，好似唔會累咁，玩左一陣之後，

我又好無奈咁陪牙媽，舅母，表妹去左買衫，選衫選左勁耐先買到，

跟著我牙媽又ｂｒｉｎｇ左表妹去玩，好無奈我都要陪佢玩，玩到顛曬＜當然ｅｎｊｏｙ果個只係表妹一個啦＞嘩．．．我玩完之後出左成身汗，好耐冇係ｄ遊樂場玩過，玩果個’一個人係下面推上面果ｄ人轉’既遊戲果時，竟然比個可惡既細路話：果個大姐姐推得好慢呀，我果時好想講：你識咩呀，你自己鍾意快ｄ，但係其他人或者會暈架！勁憎呢個細路，你估我真係好想推既咩！玩完之後我成肚火！！過左一陣，

我地又返屋企玩，好彩玩左一陣，佢地就走啦，我開心之際，竟然發現原來我地要去送佢地搭車，激死我啦，人地已經好累啦，仲要我去送佢地，ｍｙ　Ｇｏｄ！

返到屋企之後，我真係好似唔係屬於我自己咁，好想訓係張床到，但係奈何又成身汗，唔敢訓落去！！

成晚流流長做咩好，結果．．．同牙哲煲左幾個鐘既電話粥！！

Ｔｏ：沙津＆創怡

Ｈapｐy　ＢiｒTｈDaY