一個電話，改變左我的一日。

就係琴晚，我牙姨打電話黎，講左一句：明日去燒野食囉！我果陣傻下傻下咁應承左．．．就咁．．．

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

一大清早就起左身，７：４５真係都唔知幾耐冇試過咁早起身！！

８：３０就去左太和同我牙姨一齊去元朗果邊飲茶！！

轉左好幾次車，終於由馬鞍山去到元朗！！！

飲茶既人除左我牙姨之外，都係一ｄ我唔識既人．．．盡管我牙姨話比我聽呢個叫咩名，果個叫咩名，我都係唔知佢係邊個！！！我淨係知道今次參與飲茶既有三姐弟＜２個姐姐，１個弟弟＞我牙姨，我同麻佢同事＜華姐姐＞！！

今次既飲茶有２件事令我幾驚訝：第１件事係個大姐竟然知道我讀既中學，畢竟我地都係唔同區；第２件事係個小弟弟竟然飲茶都要狼吞虎嚥！！

ｐ．ｓ．三姐弟，ｍｅ，華姐姐都係互不相識！！！

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

又轉左好幾次車＜當中仲包括我第１次搭既輕鐵！搭輕鐵既感覺？套太空人既一句話：感覺良好。只係有ｄ似搭緊改良版叮叮！！＞呼．．．轉到頭暈，終於去到小欖燒烤場！！！

由於今次ＢＢＱ係我牙姨既公司搞＆係免費既關係．．．ｓｏ？勁多人！！！

你可以想像到，大熱天時，勁多人迫係一個火爐隔離係點架啦！！！叮，冇錯就係一個大ｄ既火爐，而我地就係果ｄ食物！！

提到食物，我就勁鬼火，燒得果２樣，第１就係腸仔＆芝士腸；第２就係雞全翼，都唔係我既至愛Ｔ﹏Ｔ！！

之後我都未食完隻chicken wing就比人用好親切既態度趕走左，我牙姨話：火爐邊好熱呀，我地去果邊囉．．．跟著我地就去左樹下乘涼！！！

嗚嗚．．好慘呀，隻chicken wing都未食完就要丟．．．Ｔ﹏Ｔ　唉．．．跟著係果到無無聊聊咁，冇幾耐，我牙姨話我食唔飽，ｓｏ我地又返去果邊．．．

嗚嗚．．．好慘牙，我去到果邊淨係食食食，都冇燒過，明知人地去ＢＢＱ最鍾意親力親為自己燒，但係又幫我燒麻，冇曬ＢＢＱ種樂趣！！！食完之後，我又再次呆坐，聽ｄ人唱流行曲．．．又再一次無聊．．．我果陣幾想有人解救我，幾咁想有人ｃａｌｌ我．．．

唉．．．我既空間又再一次比人打開左，我牙姨又拉左我去睇表演，睇ｄ人唱歌，跳舞，變魔術，聽ｄ人係到尖叫，大喊．．．我根本就投入唔到種氣氛，與其話投入唔到，不如話係我唔想投入！！

唉．．．勁想走囉，奈何．．．唉．．．搞７：００ｐｍ我先至走得！！！

跟著搭佢果ｄ免費巴，去到佐敦果邊搭地鐵轉火車轉巴士先番到屋企！！！

番到黎，勁累，勁ｈｏｔ．．．好想快ｄ訓．．．

ｐ．ｓ．我沖完涼之後仲隱隱若若嗅到一陣ＢＢＱ果ｄ味．．．／＼／＼