呢個星期發生左太多事．．．太多野想同你地分享．．．雖然只係一ｄ好瑣碎既小事．．．

唉．．．不過唔想打，亦都唔係好記得．．．＜因為我係一個好善忘既人，呵呵．．．＞

但有一ｄ事唔打出黎擺係個心到實在太唔舒服啦．．．／＼／＼

星期四ｌｕｎｃｈ．．．聽到一ｄ消息．．．話咩２Ｄ班ｄ人話咩壁報，咩抄襲．．．心知不妙．．．

跟著又聽到ｄ消息話咩ｍｉｓｓ　Ｈｏ身為訓導主任，教既學生竟然唔識同人分享．．．

禍從口出．．．果然冇講錯．．．唉．．．點會搞成咁架．．．好嬲自己講既野．．．

都係講番事情既來龍去脈先．．．事情係咁既．．．

發生係星期四放學，我地班ｂｏｏｋ唔到自己班房，咁就ｂｏｏｋ左去１０６室做ｂｏａｒｄ．．．

跟著２Ｄ班ｄ人入黎問可唔可以過黎做ｂｏａｒｄ，我相信在場既２Ａ班同學都唔係好想．．．我其後答左句．．．

我地話曬都係同級一齊做ｂｏａｒｄ似乎唔係太好，費是到時做出曬既野差唔多，到時話抄襲就唔好啦．．．

當時講既野就係大概咁啦．．．語氣好似我平時講野咁．．．

唉．．．我宜家諗番起當時咁樣講的確唔係太好．．．如果當時直接拒絕就唔會發生誤會．．．

我當時唔知大家做咩，費事到時做出野既野差唔多，又話呢個抄襲，果個又話冇，咁就唔好啦．．．

點知會發生ｄ咁既事．．．比人誤會左．．．一日都係我唔識講野累事．．．真係覺得好內疚．．．

搞到我星期四果日做野一ｄ心機都冇．．．唉．．．宜家經過２Ｄ班房都唔敢望佢地個ｂｏａｒｄ．．．

話曬呢次既誤會都係因我而起．．．真係覺得好對唔住自己班既同學．．．

希望呢件事可以盡快結束，被時間慢慢沖淡，ｄ人亦都唔再記得呢件事．．．

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

星期五ｌｕｎｃｈ佢地雙數上ＨＥ整蒜容包．．．

首先見到黎明．．．話好想試下．．．點知佢真係比左我．．．同佢唔係話好熟估唔到佢真係比左塊我．．．真係太好人啦！！！

之後都試過好多組既蒜容包．．．組組都好好味，好鍾意食牙！！！

不過食左咁多塊，只有許家豐同賤ｍａｎ果組係燒焦左既．．．而且我食果塊仲要冇嘜蒜容味．．．

但係食賤ｍａｎ果塊既人又話ｏｋ喎．．．事後我先知原來許生比左冇焦果邊比佢．．．真係太偉大啦．．．

有唔好當然有好啦．．．我食左咁多呢．．．覺得ｃ明同珊珊果組最好，真係勁香勁好味，ｄ蒜頭係我見過咁多組之中最黃．．．真係好開心．．．

遺憾係食唔到ｖｉａｎａ果組．．．果日ｌｕｎｃｈ返到去成個班房都係蒜容味．．．勁多人係班房食蒜容包．．．呵呵．．．場面真係好壯觀架！！！

做完ｂｏａｒｄ搭車果陣，同黎生，許生，公豬一齊搭車走．．．

講講下眼鏡ｄ度數，之後好驚訝．．．估唔到許家豐原來係咁樣護眼．．．自愧不如．．．

每用電腦１５分鐘就望一次綠色植物一陣＜佢仲要較鬧鐘提醒自己，服左佢＞，用夠１個鐘就一定要好好休息一下．．．

咁樣都仲未夠，佢話夜晚盡量唔好同電腦，因為太黑睇唔到ｄ綠色既植物．．．

ｏｈ　ｍｙ　Ｇｏｄ！！！難怪我ｄ近視深成咁．．．不過真係好佩服佢可以做到．．．

我通常都係夜晚用電腦．．．要我每１５分鐘休息．．．好難．．．ｄ咁既方法我都係第１次聽．．．

雖然都有少少想做．．．但始終，想同做係２回事，我自問冇咁既決心可以做到！！！

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

星期六＜琴日＞一早起身．．．本來唔洗咁早．．．但係諗著一定要洗頭，所以８點幾就起左身．．．

呵呵．．．係可能會話，８點幾仲早．．．但係我每到星期六，日，我通常９點幾，１０點先起．．．因為我果晚通常未夠１點都唔會訓．．．而且我要補眠．．．

洗完頭，玩左陣電腦就出左去尖沙咀．．．做咩＞做ｐｒｏｊｅｃｔ，上一次冇去到，今次一定要去．．．

我諗著我會遲啦，點知去到仲早左２個字．．．自己一個等人原來會有ｄ意想不到既事．．．

竟然有個女仔走過黎同我做一個有關網上日誌同日記既問卷．．．做完之後都幾無奈．．．

好快就到齊．．．出發啦！！！去到紅磡站．．．發覺唔係好識路．．．呢個站我真係好少黎．．．

行左陣終於到左第１個目的地紅館．．．冇野睇．．．又冇小冊子攞．．．

不過原來側田係果日開演唱會．．．唉．．．算啦．．．都冇得入去．．．係果邊見到好多法輪功既野．．．我之前仲以為法輪功已經消失左添．．．

之後行下行下．．．大家見到有野食，就停左落野食ｌｕｎｃｈ．．．

原來唔經唔覺都１２：３０，可能因為冇體力勞動，唔係好覺得肚餓．．．

睇唔出果間野原來都幾多名人去過．．．百＜兩＞金同佢果仔都去過，任達華去過幾次，有一張佢同個肥婆影既．．．唔知係邊個呢．．．

無意中見到有西多士．．．太耐冇食過啦，對上一次係５．６年級果陣係Ｍ記食既早餐．．．好想食牙

點知送到黎．．．上面勁多ｈｏｎｅｙ，而且炸得勁厲害．．．睇野今次凶多吉少，想唔肥都幾難．．．

食完之後就繼續行．．．ｔｅｒｒｌｉ同ｖｉａｎａ行前面搵路．．．我，ｃ明同姍姍就係後面傾計．．．

行金巴利道＆諾士佛台．．．個門面好令令．．．好有異國風情ｆｅｅｌ．．．好ｒｏｍａｎｔｉｃ．．．

ｖｉａｎａ行樓梯拍片，我地幾個就係下面ｗａｉｔ．．．山頂既朋友係好嗎．．．ｋａｋａｋａ．．．

果到有個商場．．．一入去就勁香，有花香＜新張開業＞＆ｃｏｆｆｅｅ香．．．果個原來就係我地話可能去既美麗華商場．．．

個商場冇嘜特別．．．不過落到去就有幾件好金既衫！！！不過都幾令既！！！

出左商場對面就係柏麗購物大道．．．冥王星人．．．

九龍公園休息左陣．．．繼續行．．．見到Ｍ記．．．彩虹雪糕牙！！！

宜家先知有ｄ咁既野．．．朱古力咖啡，好好味牙，我都係第１次食咋．．．

初時以為會唔係好夠味．．．點知加起黎真係好正架！！！

去左迷宮．．．個迷宮似乎都幾唔點．．．條條路都入到去既．．．我地幾個係中間又傾左陣計．．．

冇咩地方去，結果我地去左果個光明中既一點黑暗－－德福古廟．．．有機會既話你一定要要睇下．．．呵呵呵．．．

行下行下去左星光大道．．．好耐冇行過，記得上一次就係幾年前佢岩岩開幕果陣．．．果陣時得果幾個手印．．．宜家已經有好多啦．．．

間中咁樣行都幾舒服．．．如果可以日日都咁樣生活就好啦．．．可惜現實係唔容許我地咁做．．．

行左一圈，搭車去旺角行商場．．．好多精品牙．．．果間大眾好大．．．佢地買左星星條．．．估唔到我地果日摺星星竟然有咁多影響力！！！

之後就返歸啦．．．其實除左唔係好想行女人街，花園街之外，仲係因為趕著返屋企睇玻璃面具．．．好彩趕得切，原來佢果集大結局啦．．．

真係唔係好捨得．．．但係佢個結局真係唔完滿，仲帶有好多問號．．．好想睇劇場版牙！！！