琴日同牙媽出街．．．朝早１０點出門同牙媽，牙哥去飲茶．．．

食到飽飽先去上環海味街．．．結果坐錯車，遊車河．．．

唉．．．點知ｄｏ完八達通先知淨番＄１．８，好彩落車之後就有地鐵站．．．

陪牙媽買海味的確幾悶，ｄ海味黎黎去去都係得果幾種，睇到眼都花麻，但係就咁行左差唔多３粒鐘！！！

唉．．．今年ｄ海味又貴又唔好，牙媽又買唔到．．．

行下行下，竟然比我見到中文書＆ｈｉｓｔｏｒｙ書上面果條好出名既街－水坑口街！！！

果然真係見到果條橋喎，書中所形容既同真實都差唔多！！！

之後再行左陣，大概４點鐘左右去左食雲吞麵！！！食完後有行，不過就唔係去睇海味，就去左永安百貨＆先施．．．

行左一轉，ｄ野勁貴，冇買到就閃人．．．諗著番屋企啦，點知牙媽又話去花園街行．．．

唔知點解牙媽入左ｄ店鋪再出番黎就會行錯方向，行番之前經過ｄ路．．．

最後行左勁耐，行到腳跟勁痛！！！８點半先番到去！！！好累牙！！！

Ｈａｐｐｙ　Ｎｅｗ　Ｙｅａｒ！！！

新既一年，新既開始！！！希望大家有個好既開始啦！！！

唉．．．本來諗著今個聖誕假可以做到好多好多野，點知．．．

最後都係僅僅夠我做曬ｄ功課．．．有好多本來定下既目標都做唔到．．．

諗著睇多ｄ書，但係又冇時間；做篇長既中文閱讀報告又冇時間；本來去思哲到玩，但係都係冇時間！！！

救命牙！！！全部都係因為唔夠時間！！！

今日同咁咁去左會展睇展覽．．．個展覽好．．．細牙！！！

得１個展館而且仲淨係開３分２個展館．．．好快行完，冇咩野好睇．．．

本來都有１，２個攤位想係本到睇下書，點知．．．唉．．．

講黎都火滾．．．係皇冠個攤位到睇書果陣，果到ｄ職員係咁係到講咩８折，之後見我地好似係到睇書，無心想買，就趕我地走！！！佢話你地睇左咁耐一定好想買啦．．．聽左之後勁想閃人．．．求奇同咁咁講左幾句，即刻拉左咁咁走，點知原來咁咁有心想買，有ｄ後悔添．．．

哼．．．不過算．．．鬼叫你ｄ服務態度差到咁，死都唔再幫襯你！！！雖然我地睇書唔買書好似唔係太好，咁但係睇陣唔怕死牙，書店ｄ人你睇成粒鐘都冇人叫你走啦，而且睇左１０頁左右點知本書好唔好睇牙！！！

之後同咁咁見到個攤位都避開，好憎果個人，都未見過ｄ服務態度差成咁囉！！！

雖然個場地都幾細，冇野睇．．．但係都去左幾耐．．．ｗｈｙ？

自從比果個人趕完之後，就冇再留係其他攤位睇書，嘻嘻∼我同咁咁花係食既時間同行既時間都差唔多！！！

嗚嗚．．．不過今日真係大出血！！！首先，臨去之前係ｏｋ買左２個面包合共＄９．５，之後去到果到買左枝野飲＄１５，最後同咁咁ｓｈａｒｅ一個爆谷，每人比＄５．．．

唉．．．果到ｄ野真係好貴，今日洗左差唔多＄３０係ｅａｔ＆ｄｒｉｎｋ到，計麻ｄ車錢＜＄１８．２一程＞，嘩．．．＄７０就咁蒸發左啦！！！最唔抵就係買左果枝咁既道地綠茶，如果記得係出發之前買定野飲，就唔洗洗咁多＄＄！！！

不過果包爆谷就破左我同咁咁既記錄，就係食得最慢既記錄！！！我地食左岩岩好一個鐘先至食曬！！！呵呵，不過如果唔係咁咁話要破記錄應該都會快多３，４分鐘！！！

其實今次書展，我地２個都係走馬看花，睇黎下次都係搵多幾個人去，咁就唔會有機會比咁咁走馬看花啦！！！

我地大概４點鐘左右就走，咁咁就返佢外婆屋企，陪佢搵車站去，好彩都好快搵到！！！

唉．．．宜家好累牙！！！！

返左２日大陸，點知香港＜應該話全世界＞發生左咁大件事！！！

上左火車睇果個有線新聞先知台灣發生左７．２級大地震！！！連香港都感到震動，果陣夜晚８點半左右．．．

我諗我應該食緊飯啦，但係我果邊感覺唔到．．．聽番人地講有少少想知係咩感覺．．．

唉．．．但係都係唔好發生好ｄ．．．好多網站ｄ信號都斷左．．．

估唔到今次咁大件事又係係聖誕節前後，聖誕節本來係一個好和平，平安既節日，點知又發生ｄ咁既事．．．

真係一個一ｄ都唔平安既節日牙！！！希望台灣果邊唔係好多人死傷啦，世界盡快回復正常！！！

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

番大陸真係好慘，成日出去食，搞到都唔知又肥左幾多啦！！！

而且無端端冇左２日假期，我一定要追番ｄ時間牙，仲有勁多功課未做．．．

４篇中文閱讀報告，１／２篇英文閱讀報告＆雙週記！！！ｏｈ∼仲有要同咁咁出去＆同斯明做ＥＲＳ　ｐｒｅｓｅｎｔ！！！

死啦！！！努力牙！！！！

今日係聖誕節牙！！！祝大家有個美好聖誕！！！

收到好多好多好令令既聖誕卡＆食到勁豐富既聖誕大餐．．．．

仲有給咁咁的：有情人終成眷屬．．．呵呵呵．．．

MERRY　CHRISMAS！