呢個Ｈｏｌｉｄａｙ真係悶，悶，悶．．．冇左牙哲係到，想問野又搵唔到人問，想搵人煲電話粥又冇．．．

ｄ功課一大埋湧麻黎，諗下諗下真係幾陰公∼算啦，都係講番今日既事∼

唉．．．唔知點解呢幾日都有人一大清早就打個ｍｏｒｎｉｎｇ　ｃａｌｌ比我，想遲ｄ起身都唔得∼

跟著起身之後又睇多啦Ａ夢大電影－夢之國，跟著食飯，食完之後又要做果ｄ功課．．．

沉悶我一天就這樣過去了∼

牙哲．．．我好ｍｉｚｚ　ｕ牙∼

ｐ．ｓ：我聽日返大陸啦，要後日先返香港，咁多位唔好打比ＭＥ啦∼

好悶∼有冇人ｈｅｌｐ　ｍｅ牙！！

那怕只係一個短短既電話．．．咁就已經可以幫我解到悶啦．．．

唉．．．唔知點解最近冇咩心情睇ｔｖ／睇書／寫故事∼

Ｔ﹏Ｔ真係好悶架．．．．

牙哲．．．冇左你既日子真係唔知點過牙．．．．

Ｈｅｌｐ　ｍｅ！！！

本來万晚同牙哲講話我９：３０會起，點知個死人鬧鐘又唔響喎，結果佢打果黎個時先起身，同佢傾一陣計，佢就答ａｅｒｏｐｌａｎｅ去左華東５市啦∼

跟著我就睇左多啦Ａ夢大電影＜係唔係好無聊呢＞睇果套播過ｎ次既多啦Ａ夢．．．

跟著食完飯之後就沉醉於我既射鵰啦，ｋａｋａ．．．

不過我成日都覺得好無聊，又冇人陪我傾電話，真係好悶牙∼

牙哲．．．Ｉ　ｍｉｓｓ　ｕ∼！！

琴夜做ＨＥ做到我得番半條人命．．．成４點先訓，而家諗返起真係有ｄ不可思議∼我都係第１次做野做到咁夜，仲要神奇到仲未做得曬ｄ野囉∼

本來較左個鬧鐘５點鐘架，不過唔知點解又冇響到，激死我啦，跟著拿拿聲打比牙ｙｉｐ叫佢唔洗等我，我早返．．．

後來我先知到咁咁比我既情況仲衰，唉．．．我地係車到已經好努力咁做，奈何淨係繡好一個英文字，返到去ｄ人竟然話我繡得令喎，真係＝口＝．．．一晚繡既野又點會繡得好牙∼我已經好努力去繡架啦，但係奈何仲差ｄ，唯有係Ｒ．Ｔ＆ＩＳ堂繡，唉．．．打左勁多次結囉，激死我啦，好驚比小馮發現，其實我覺得佢係知我係桌底到做野，只係冇即場講出黎，結果都仲係差幾針先繡好∼之後仲要黎多單雪上加霜，我唔記得ｌｉｎｇ本ＨＥ書，唉．．．我一緊張就神經質架啦，諗著開ｌｏｃｋｅｒ果時見到ｍｉｓｓ　Ｔａｎｇ，嚇到我死下死下，仲即係走返課室問牙哲仲咩唔陪我，諗落我果時真係好得人驚∼呼．．．忙左一輪，終於趕得切交比佢．．．唔知佢又知唔知呢一份作品上面既一針一線都充滿我既淚水粒子同汗水粒子呢？

下午上完第７堂之後，我地又去左ｈａｌｌ到聽佢果個無聊崇拜∼果個牧師周圍問人提起復活節會諗起ｄ咩，ｄ人個個都好唔正經＜除左台上果２條可憐蟲＞咁樣答咩假期牙，功課牙．．．真係好唔合作！跟著又唱左ｄ咩聖詩，果陣時我真係好想訓覺，好彩冇訓著．．．

之後就係我期待已久既Ｅａｓｔｅｒ　Ｈｏｌｉｄａｙ啦∼

嘻嘻．．．今日下午唔洗上堂，可以去ｈａｌｌ到睇四社廣播比賽牙！！

首先出場既係群社，佢地果個講關於一個黑幫女仔，幾好睇啦，不過唔知點解我有少少憎ｄ人係到扮細路＜ｓｏｒ牙哲＞，但係我又勁欣賞佢地果ｄ聲，扮得似到你唔信，而且幾感人，我差少少喊左出黎．．．智社今次有勁敵啦！！

跟著就係黃咁咁既毅社，嘩．．．一聽個故事名我就勁有興趣－－潘朵拉的盒子，ｂｅｃａｕｓｅ以前聽過個咁既傳說，雖然人少少，但係我覺得每一個人都做得好好，不過我最ｌｉｋｅ既都係果個潘朵拉，佢真係做得好好，唔知點解我覺得佢有ｄ似以前既ｊｏｅｙ＜成日都諗麻ｄ怪怪既野＞．．．個故事勁感人，我今次真係忍唔著喊左出黎！總之毅社就做得好好啦∼睇黎今次智社冇望架啦∼

到我既智社啦，本來係勁期待架，之後愈聽愈唔想聽，係四社裡面，我最唔專心聽佢地既演出，雖然外星人扮得好似，而且又有新鮮感，但係我自己唔係好ｌｉｋｅ個故事，所以冇咩心機聽佢地演出，真係好對唔著自己個社．．．

最後就係健社，嘩．．．健社果個係最有新意，佢地果個打破傳統，以好笑形式演一個有意義既故事∼雖然好笑就好笑，而且吸引到好多人既注意，但係個故事就有少少唔係好明，時空交錯，但係個文西真係好好笑，我真係差ｄ笑死．．．

最後好明顯個冠軍係屬於毅社，雖然唔係好想比咁咁ｗｉｎ，不過憑心而論，佢地真係做得好好∼而智社竟然ｌｉｎｇ左亞軍，我真係＝口＝，聽到果時係有小小ｈａｐｐｙ，但係諗下諗下，又好似做得唔係咁好喎∼

最佳合作獎就落係最多人既健＆群；最佳特別效果竟然冇我最欣賞既群，而係毅＆健．．．

個人方面冠軍當然係大家一致認為既毅社果個潘朵拉，而亞軍就係智社既牙靜∼

其實智社ｌｉｎｇ果２個獎我有少少驚訝，我自己＜其實唔只我一個＞覺得佢地真係唔算做得特別好∼唉．．．不過都過左去啦，就唔提啦∼唉．．．不過我之前仲諗著智社一定會做得好好∼