今日約左思哲ａｎｄ佢媽咪一齊去書展．．．當然去到分頭行事．．．
遲左少少出門口，行過去巴士站果時有人走過黎問我路．．．因為本身已經遲左．．最後講到唔清唔楚．．．諗番起都覺得好對唔住果個人．．．
一如上年既安排．．．只係今次佢爸爸冇黎到．．．我地３個搭火車轉隧巴．．．我地３個一路上有傾有講，氣氛都唔錯．．．
今次既入場費平過上次．．．＄１０都幾抵．．．但冇得換贈品．．．不過記得上年換左件超超超廢既摺紙模型．．．
嘩．．．去買票果陣係咁＜打蛇餅＞，轉都轉到我暈．．．
由最高個館開始睇起．．．向ｈａｌｌ７進發．．．果到係賣大陸書．．．
一入到去．．．冇我想像中咁多人，雖然係第一日，但係ｄ人好似疏疏落落咁．．．比起上年人迫人．．好似少左成半．．．不過都好．．．因為我唔鍾意同人迫．．．
估唔到行左冇幾耐就有收穫．．．只係行左一行，行到最尾．．．見到有一本彩色漫畫．．．一見到個封面已經比佢深深吸引著．．．好靚牙．．．略嫌對眼大左ｄ．．．但真係好令令．．．果本叫做Ｍｙ Ｗａｙ我的路２．．．因為呢本係２．．．所以我地攞著本書過番對面搵１．．．我驚比人以為我地想偷野．．．／＼／＼
結果思哲買左本１，我買左本２．．．唔止封面令，裡面都畫得好令，而且內容都ｏｋ，＄２０本彩色印刷諗番起都覺得抵．．．
在此呼籲去書展既人，可唔可以幫我去ｈａｌｌ７近門果行，行到最角落果間幫我買Ｍｙ Ｗａｙ我的路既第３＆第４牙！！！！
因為驚冇時間，我同思哲都有ｄ走馬看花，快行加略看．．．Ｔ﹏Ｔ我唔鍾意咁牙．．．
之後行左一半．．．發覺都１２點幾．．．驚趕唔切睇林詠琛簽名（其實果個係我＝ｖ＝，當然思哲都想睇啦），結果特登落去ｈａｌｌ１先．．．
去到皇冠，係咁搵純真．．．一本本攞起睇，都係冇．．．有ｄ失望．．．返到屋企思哲話比我聽原來我地一直都搞錯左，唔係純真，係深藍的呼喚牙．．．唉．．．算啦．．．即使搵到我地都唔會買到．．．
不過深藍的呼喚個封面好似令過上次本即將遺忘．．．／＼／＼好想快ｄ可以睇到．．．
思哲一直都好想買逝盟．．．宜家終於買左，嘩．．．命運的戀人＆果個令令的封面．．．買左之後同佢牙媽講：周貞買架．．．不過借比我睇先．．．無奈．．．比人借左過橋．．．
我地結果係果到行下先．．．不過淨係行左皇冠．．．之後諗著去搵佢媽咪．．．但行行下．．．見到ｆｏｒ ｏｎｅ ｍｏｒｅ ｄａｙ（即係在天堂遇見的五個人果個作者），思哲買左．．．之後繼續行．．．但由於場地設計，我地要先去ｈａｌｌ２．．．
行行下．．．比思哲見到一ｄ好得意既野．．．唔知應該點講，都唔知做嘜．．．淨係知道外型有ｄ似改錯帶．．．有花紋，有香味．．．思哲見佢咁得意．．．結果就買左啦．．．＄１３．．．
我地再一次上路．．．行到一間書店見到好幾本都好想買既書牙．．．
偷書賊．．．個封面好令令．．．段簡介好吸引．．．翻到內容都唔錯．．．不過要＄１０７牙，超貴．．．但講真．．．真係好想買．．．
另一本個書名唔肯定有冇記錯，追風箏的孩子．．．簡介都好吸引牙！！！應該唔錯．．．都好想買．．．但係都好似要百幾蚊．．．
好慘牙．．．真係好想買果２本書牙．．．但係真係太貴啦．．．唔知英文版會唔會平ｄ呢．．．
死囉．．．我地再係咁行落去，佢媽咪點算．．．但係仲有好多野想睇．．．唔想食著．．．不過冇計啦．．．食左先．．．兜左成個圈．．．ｄ場地設計真差．．．明明只係上面果層，但係要特登落番去，行一段勁長既路再上番去，仲要冇行人輸送帶．．．唉．．．
終於到左ｈａｌｌ７搵到佢媽咪．．．佢媽咪收穫勁勁勁豐富．．．仲多過思哲．．．比我地２個估中左．．．佢真係去左果間專賣十字繡牙，手工藝品牙果間．．．呵呵呵．．．
果到ｄ野勁貴．．．十幾蚊一隻熱狗．．．２０蚊一個勁細既手卷．．．唔知點解要我幫佢地２個叫．．．有ｄ怪．．．好彩我有帶面包．．．如果唔係要食麻果ｄ又貴又少既野．．．但係屋企既小朋友唔好學牙．．．因為係違規架．．．呵呵呵．．．不過好彩佢地見唔到．．．
食飽飽又再行過．．．行麻ｈａｌｌ７另外未行過果半先．．．行左一輪都未有收穫．．．之後比我地見到賣記事簿既地方．．．果個姐姐好ｎｉｃｅ，有ｄ似小娟．．．呵呵呵．．．我地係到選，選，選，選左一輪，我要左本黑色，上面係豬．．．不過裡面好得意，好令令架．．．／＼／＼好鍾意果本．．．之前行大眾已經睇中左．．．黑色令哦．．．思哲要左本正經ｄ．．．封面係黃色．．．雖然我都好鍾意果個系列，不過略嫌太正經，想搵本得意ｄ既．．．佢唔鍾意條帶．．．話返到去剪左佢先．．．
跟著個姐姐話，點解要剪左佢牙，條帶好有用．．．為左呢個問題．．．講左一陣．．．不過我覺得果個姐姐一定覺得思哲係個怪人．．．之後思哲想要下面果ｄ（ｂｅｃａｕｓｅ通常ｄ人都唔會要最面果本），個姐姐又話：你想要下面果ｄ，不如我攞起，你去攞．．．真係好好人．．．好鍾意果個姐姐．．．唔係果ｄ淨係係到ｓｅｌｌ野，佢會話，呢本好得意．．呢本都得意牙．．．／＼／＼鍾意佢呢類型．．．仲有有記事簿送風扇．．．
行行下見到賣手鏈同電話繩．．．我同思哲又上去睇睇，嘩．．．見到一條勁令既電話繩．．．黑白繩下面吊著個英文字．．．真係好令架．．．諗著搵番我地２個個英文字母．．．點知搵左好耐都搵唔到．．．有少少失望．．．死啦都３：００啦．．．但係仲有２個ｈａｌｌ未行牙．．．
ｈａｌｌ１．．．好多攤位牙．．．叫人點行喎．．．結果我地淨係行ｄ大既．．．什麼什麼三聯牙，大眾牙，商務牙，中華牙，天地牙．．．但係唔知點解硬係見唔到偷書賊同追風箏的孩子．．．牙．．．終於比我搵到偷書賊既英文版．．．但仲貴過中文版．．．嗚嗚．．．真係好想買牙．．．
行到中華．．．留意到再給我一天（ｆｏｒ ｏｎｅ ｍｏｒｅ ｄａｙ既中文版）．．．封面好令，後面既編者的話感動左我．．．結果我諗都冇諗就買左．．．都好突然．．．因為初時冇諗過要買書．．．／＼／＼結果返到屋企牙哥就即刻估中左我買左呢本書．．．呵呵呵．．．真係厲害．．．
經過一間專賣英文書既攤位．．．入左去行．．．嘩．．．宜家ｄ英文書個封面都好令令牙．．．
ｈａｌｌ２繼續．．．不過冇嘜點睇到野．．．嘩．．．終於比思哲見到佢最深愛既龍貓．．．買左＄４０．．．
我頂唔順啦，隻腳軟左，行唔到．．．我地既睇書行程就咁結束左．．．之後我地２個捱麻落去．．．兜左一個圈去番大會堂出面ｄ椅到坐．．．呼．．．有得坐真係好．．．
７：００回家去．．．唔係好識路．．．幸好有思哲媽咪．．．搵到６８１．．．一上車就訓著左．．．好似仲撞過隔離幾次．．． | 
