點解有時上到網,

有時上唔到架...

今日好得閒,

得閒到唔知做咩好,

就只係唔想做功課...

全本音樂書都比我唱晒,

之前彈過d歌都彈左一次啦,

就係唔要練琴姐,

好難彈呀.......

下次實比Miss話...

琴日忙到咩咁,

早上choir,

中午 中樂團,

下午學琴,

到evening都唔想番屋企,

屋企冇野玩,

好悶ma...

分d野今日先做咪好囉...

一日咁忙,

一日咁free...

期待假期有一日,

可以同d fd去玩..  XD

假期最好就係同人傾電話,

最好一個人就傾三五七個鐘,

咁d時間就過得好快啦~~

但係....

偏偏d人就唔得閒,

個個都唔睬我...

唉......

睇黎都係要節哀順變的啦...

一日,

一次的偶然,

比我搵番之前,

小一果時寫的日記...

"今日是新學期的開始,

 我要努力讀書."

     ------ From: 4/2/2002

而家先知,

原來自己一直都係

向住e個目標出發,

唔知曾放棄過幾多次,

哭過幾多次,

為的, 到底係咩.

今次考試,

自問根本冇盡力.

但係都已成定局啦,

得番中文oral, CIT 同 PTH,

我可以做到的又有幾多?

科科都係我的weak point...

只好把期望放在下一次.

今次就當係一次test下

自己實力的chance吧!

結果無論如何,

我都唔會後悔,

我在失去的同時,

得到更多的野,

我知道...

我係時候選擇

自己要一個點的future.

過往唔知走過幾多錯路,

而家我清楚自己所追求的野,

我只係想做番自己,

我唔想做一個'公仔',

我要搵番'我'.

~~考試小總結~~

  @ 最深刻的一份exam paper

[[中文作文]]

選擇左'雨夜'

冇記錯的話,

應該係我生平第一次

在作文考試到,

'我手寫我心'.

唔敢予以厚望,

只係想睇下,

個天比唔比我

做番真正的自己,

比唔比我講出自己的心聲.

~~最佳減壓方法~~

**唱歌**

日日都係咁唱~

足足一個月,

經常掛住唱歌,

冇去溫書.

我發覺我深深愛上左Music,

彈琴(piano+揚琴) 同 唱歌,

做左我生活的一部分,

仲要係necessary果種...

在音樂中穿梭,

真係好enjoy,

我可以搵到我自己的定位.

HELP!!

e句說話我講左無數咁多次,

原因係咩,

unknown...

一日之內會走過無數的道路,

見過無數的人,

到底是敵是友,

又分唔分得清呢?

爾虞我詐,

差不多日日都有,

但最無奈的係,

比人誤會.

本意根本唔係咁,

甚至完全同自己無關,

但在人地的眼中,

就覺得係有心咁的,

試問你可以點呢?

假如有個人你好唔gur,

佢都唔gur你的時候,

大家都係扮的,

但其他人覺得你地好fd,

你會唔會做埋e場戲呢?

你會選擇惺惺作假,

定係嘗試去接受佢呢?

開始厭倦了打字,

討厭文字,

文字真係咁容易表達到自己咩?

一句說話,

可以有好多種心情,

你會點分呢?

e.g.

'明啦明啦, 我知係我錯呀'

一句咁的說話,

你會覺得果個人

係發脾氣,

好唔開心,

定係輕挑呢?

仲有一個問題,

到底...

咩係朋友?

朋友係點的?

其實個個人的definition都唔同,

冇話邊個岩,

邊個錯的.

好多人都只係睇到

事物的一部分,

而唔係全部,

有幾多人會知道事件的真相呢?

我唔介意比人誤會,

我唔介意做醜人,

我唔介意比所有人當係衰人.

但係,

吊頸都要抖氣的,

唔通就連同d fd訴苦都唔得咩?

我係點係一回事,

佢地的見解係另一回事,

咁都關我事呀??

我都係而家先知,

原來d人有咩三長兩短都係關我事的.

Term Test,

可惡的Term Test...

好聽d咁講,

係有進步空間,

衰d咁講,

係全軍覆沒.

'一朝高中鄉親賀,

衣錦還鄉風光道,

十年之寒窗苦讀,

又以多少人為道?'

風光背後的努力,

冇人會去諗;

何況有d付出左,

但冇回報的呢?

無人問津的感覺,

豈不是更加難受?

今次Maths,

係我人生入面,

第二個Maths的污點.

一次69,

可以令我發奮,

我唔信我唔可以爬番上去,

問題只係在於,

我想唔想咁姐...

今日講左一句好好的說話,

我發夢都諗唔到,

我會同我呀媽講e句說話.

'有d野係在本書到學唔到的,

 成績唔等於一切,

 好似做人處事的態度,

 人際關係果d咁,

 係更加重要的.'

也許得到的比失去的會更多,

由零開始可能政好呢...

純粹係睇下點睇的姐,

過唔過到自己果關,

仲係個未知的因素...

今日我有一個結論,

都係細個好.

見番阿媽之前

教幼稚園d書,

同埋d琴譜.

突然間好有feel,

d回憶走晒出黎,

令人懷念的歡樂時光...

一隻隻歌,

都好耳熟能詳.

一枝竹仔易折彎...

ABCDEFG......

世界真細小...

雖然d版本有少少唔同,

但係,

真係好touch......

諗番細個在房到唱歌,

拎住支咪,

好high......