有多久沒有碰過這個qooza呢
反正你都不會看.可以長長的打了
我地相識比其他人特別
係韓國相遇,相識,相愛
我冇諗過咁奇異既邂逅會發生係我身上
所有野都泥得好快
或者匆匆的來就匆匆的去
冇哂感覺了就真的以後都不想再聯絡了
你話你個人其實好自私
但其實你為我付出好多,為我地兩個諗左好多
你話你冇左自己
我可以陪你搵返自己
我想我唔再做你既重擔,而係你額外既甜,想做你既BONUS
等你有左自己又有愛情滋潤
你話你冇信心,怕再傷我一次
我都唔怕我都有信心,對我對你對大家,就差你俾少少就好
你話會不停要求苦左我
我唔怕,我信我既愛可以令你明白咩係愛
你話已經唔再愛我,叫我快D走
我唔需要你而家好似以前咁 我淨係想你睇下呢個世界,睇下我為你既付出
你話係咁就係咁
我知獅子座既人就係咁,我明白的但唔代表你心境唔會有變化
你話有第一次傷害就有第二次
但如果第二次同第一次係有唔同的話,點解咁肯定第二次都係=失敗
你話我逃避你已經唔再愛我既事實
難道你就唔係在逃避我嗎

不過其實我真係唔識箍煲
好似愈來愈差咁
我冇左個股信心你仲會返泥
但我還是想試試
愛情唔係一直甜甜甜落去,而係有問題有困難都願意解決
愛情係由一段段經歷組成的
或者而家既經歷係苦,但唔代表唔會再有甜
愛情係令人成長,我仲係好想係你成長經歷入面陪住你