明顯天氣好似暖左。因為4月既關係?

放工去左大家樂食野，食得好急，

因為買左飛睇戲，

「天煞撞正怪怪獸」3D...好貴...$85/位....比平時貴$30，仲要無會員優惠添（汗）

不過我未睇過3D戲.....算數! 為有睇完依套今個月唔入戲院....

但係老公話3D戲已經平過佢睇「3D心疤狂魔」wo, 平$5/位....//(口.口")\\

入到去未坐底見到同行有位小妹妹，帶住3D眼鏡食爆谷個樣，好可愛又搞笑。

開始睇個時，仲大叫「點解咁黑既!?」哈哈!! 好可愛呀佢~!

睇左「冰河世紀3」預告~應該會繼續租碟睇~之前睇左2集，第3集當然要繼續睇啦~ (笑)

依套都幾好笑既，美國總統依個角色唔錯，到肉講中哂，由其對機械彈琴個場，如同「對牛彈琴」一樣~~

睇完要還3D眼鏡，但係見到有Ｄ人攞走左，

老公仲話點解依間戲院無人企係到既，德福個間有人企定指住要還眼鏡，

仲話早知唔還眼鏡啦...都比左$85/位出黎啦~!

但係....如果門外面有人企係到話要還呢....到時咪好魚....

而且唔係魚唔魚既問題....係自律既問題....

門口都放左個盒寫明，要還眼鏡....無員工企係到...分明就係要人自律...

好似外國有D鋪頭咁，無人睇，只係放個箱係到收錢。

我唔會教壞細路~!