母親節正日，

因為返工既關係無得同老公媽媽佢地去西貢食野，有點失落。

同今日都幾多人去探病，而見到有ｄ婆婆係到喊，

問佢做咩喊，佢話「點解無人黎接我」。

聽到依句我好明白佢講咩，因為佢見到對面個婆婆，日日ｄ仔女都黎睇佢，

母親節仲專登問醫生請假，接佢出去慶祝。

另外有ｄ就有花籃。

問佢記唔記得ｄ仔女電話，如果記得借個無線電話比佢打比仔女，但係佢又唔記得。

幫唔到佢．．．心入面覺得好唔舒服。

最後只係見到佢個工人黎。

我諗起ｄ野．．．．．．．．．．．．．．．

早餐自己外賣麥記

晚餐自己外賣大快活飯盒　

本身晚餐諗住食pizza 點知，送貨3小時，自己攞又要1小時。

等得黎咪成9點半10點...

結果又要食飯盒。

今晚睇美女廚房，見到田肚腳趾係油炸時，睇落好似動緊咁，好恐怖呀！！