母親節正日,
因為返工既關係無得同老公媽媽佢地去西貢食野,有點失落。
同今日都幾多人去探病,而見到有d婆婆係到喊,
問佢做咩喊,佢話「點解無人黎接我」。
聽到依句我好明白佢講咩,因為佢見到對面個婆婆,日日d仔女都黎睇佢,
母親節仲專登問醫生請假,接佢出去慶祝。
另外有d就有花籃。
問佢記唔記得d仔女電話,如果記得借個無線電話比佢打比仔女,但係佢又唔記得。
幫唔到佢...心入面覺得好唔舒服。
最後只係見到佢個工人黎。
我諗起d野...............
早餐自己外賣麥記
晚餐自己外賣大快活飯盒 
本身晚餐諗住食pizza 點知,送貨3小時,自己攞又要1小時。
等得黎咪成9點半10點...
結果又要食飯盒。
今晚睇美女廚房,見到田肚腳趾係油炸時,睇落好似動緊咁,好恐怖呀!!