係ward 入面到到都係細菌，樣樣都要小心，唔係依樣傳染就個樣傳染。
變左而家係屋企打個乞嗤，呀媽都好擔心，叫我小心身體。
我一向唔係好敢認為某ｄ工係舒服，每一份工都有辛苦既地方。
而且clerk都唔一定係容易既工，唔係睇電視/ 睇戲咁，日日搽指甲油，淨filling，聽下電話就收工。
好多人都以為做ward就好乾淨，淨係摸paper /電話，血 / 傳染物 就唔洗見唔洗觸摸到....但係....可惜並唔係咁幸運，
ward就好似小型office咁，clerk就係admin既角色...
（感受）
收症聽到d 病名，再見到個病人，自己個心會有心酸既感覺，
特別係訓係床到，有ｄ婆婆無屋企人，得個義工黎睇佢，
佢又唔可以自己落床，樣樣野都要護士/ 健康服務助理(HCA)幫佢，
訓係床到，眼見到佢，都好似無咩反應，叫佢個名可能只可以用眼望住你，
插哂氧氣喉，個身貼哂野連住部check心跳既機，
個心就有好酸嬲嬲既感覺。
有Ｄ有屋企人探訪既，因為有前科跌到整親，怕佢再跌親所以唔可以落床，
佢地有時係到大叫，希望護士比佢地落床自己去廁所，或者唔想用紙尿片。
個心真係好唔開心，又有好恐懼既感覺，好怕自己老左既時候，身體唔好，都會係咁......
所以而家好明白媽咪以前講既野，
身體健康最重要，如果唔係老來有病痛，係老人院或是醫院入面既情況，就會發生係自己身上。
故此每日見到依ｄ情況，個人既心靈並不好受，
自己係比較容易受環境影響，平時睇電影電視或者小說都會易喊既人，
所以見到依ｄ情況，個心真係留眼淚。
我諗並唔係咁多人會明白，可能有ｄ人會覺得，入得去做就預左會見到，
但係親眼見到所得到既感受，係唔到架。
相信就算自己做奈左都唔會盲目，因為自己好怕自己老來會咁。
希望身邊既家人朋友，個個都身體健健康康，
要愛錫自己既屋企人，多d陪伴你愛錫既家人。
2009-03-12 
