早餐同老公一齊食麥記「早晨全餐」 好奈無一齊食早餐

去左又一城ROYCE' SHOP買曲狗，但無哂曲奇組合，要買細盒裝，好貴$90一小盒，

大盒只係$170，平10蚊.......買左3盒比麻麻帶返加拿大。

又係log-on 見返想要既x　胸膏，又見到有枝香水（for hair) 好平又好香 $39喳，

老公都話ｄ香味好正，下次再去一齊要買返枝！

（枝香水仲正過ｄ名牌香水）

老公買左對耳環送比我，好開心呀，有排唔洗收禮物，

同老公一齊慳下錢，煮下飯仔！

夜晚去左漢和食韓燒，不過未到時間，我地上左樓上「捐血站」，

等我同呀怡２個女仔捐，２個男既就膽小．．．唔捐，

坐左半個小時多，中間又問下野，等下，捐血坐下，捐到眼訓　

今次第二次捐出我既「B型」血~ 350~

坐左陣之後落返去食韓燒~ 雖然無咩野食...不過環境ok 最少唔會好似新都個間韓燒咁,

食到成身味

原本我地要出去買野，　

不過麻麻黎左，所以要留係到食飯，

我差不多同佢相處左成年啦，麻麻每返黎香港都會住半年，

但今次返返去加拿大後，要過幾年先會再返黎香港

雖然佢係衰佬既麻麻，但係我已經當左佢係自己既麻麻，

可能因為自己既老長輩早已經上天國，得返一個麻麻（但身體問題要住安老院，好奈無見過）

所以由細到大，好少同自己既老長輩傾計食飯。

仲記得上次送麻麻機既時候，個心都有ｄ唔開心，

今次送機可能都會有想喊既情況

夜晚食左龍蝦，食完個半隻龍蝦已經好飽，所以之後都無食米飯落到，

到洗碗個時發現，今夜大家都無點食飯．．．８人食，仲有成大碟飯係到，

岩岩到放哂老公個飯盒　聽晚佢地要食炒飯啦！

洗完碗一出黎就發現佢地食緊，老公盒朱古力曲奇餅，

細細佬佢地話好好食，麻麻又話要我幫佢買返２盒返加拿大，

聽到之後好開心，因為唔止我同老公感覺好食，連其他人都讚，

期間老公個媽媽爆左盒曲奇係，情人節禮物，

伯娘就笑住話「唔怪大哥係咁望住盒餅啦」

本來盒餅（５０塊）我同老公２日食左差不多１ｘ塊，佢地走左之後，得返１ｘ塊，

無左大半盒∼

為有第時再過比老公啦∼

麻麻今日口快快，同我講「你老公又去左訓覺」∼哈哈