其實，我仲未有準備迎接呢個暑假，
甚至一切都過得太快，
真係眨下眼就到左中五，點解咁快？
過多一兩年就過要考個好緊要既升大學既試，
姐係CE同AL既混合體，被稱為HKDSE。

諗下諗下，幼稚園開始到而家我都係渾渾噩噩咁過，（嗯，呢句野我好似都唔知打過幾多次了）
然而我係唔識脫離呢一個狀態，
我唔識點樣去溫書，控制自己。
唉，真係見到人地咁比心機考到頭一二名自己就係到唔知做乜咁，
我到底係到做乜？
成績老實說唔算係最差個個，但係又唔算好，
中中挺挺咁既水平拎張成績表比人睇都可能笑死人。

拿，你地一定話我又識咁講又唔去行動，
我都唔知點解我唔識行動，
次次都同減肥一樣咁，食埋呢次先啦，一餐半餐，遲下做返運動就得！
結果，運動呢？！
-_-
講講下自己都好矛盾，
可能拎呢篇野比班上勁人讀書人睇到都恥笑緊我。
或者我第日見到呢篇野都會恥笑自己點解當年咁樣樣自甘墮落。

中五啦．．．要醒下啦大佬
WAKE UP！！！
希望我唔好再等下次，
呢個暑假要進修一下，醒下啦！
但係我驚就算比我PLAN好哂野，最後都未必做到Sigh！