星1係我生日呀!!!o個日我偷懶冇去練波....之後12點9出咗去搵肇軒,淇淇,肥成同夏威夷去咗食野....但係唔知點解搞搞下都係去咗M記食野
食完之後夏威夷返咗屋企...肥成同肇軒去大埔墟火車站等我,我同淇淇行多咗陣先去搵佢地,佢地有得攞智能身份證....我18號先攞
之後我都係差少少先追到架k12,最後都係行過去....陪佢地攞完之後去咗super net打機,打到5點幾6點肥成比人鬧要返屋企....佢話睇下老豆呀媽比佢再出黎睇戲....之後我地打到8點幾問肥成得唔得...最後都係唔得,之後問夏威夷...佢開頭都話出...點知等到佢9點佢先話唔出....o個時有D嬲=,=!!
之後出到去第1時間去買飛....我地睇死亡筆記,套戲真係好正呀>.<!!簡直係令我想睇多次o既戲....不過10點7o個場得返前面o個兩排...最後都係買咗12點4,之後我地去咗KFC食野再吹下水等夠鐘...點知都係唔得,之後行黎行去入咗間碟店
裡面D碟真係好齊連BTX都有....龍珠GT全部齊晒!!連機甲桃太郎都有....不過可惜搵唔到鬼神童子同魔神英雄傅,不過估唔到可以行到成個鐘
終於有得睇啦!!!真係好正呀!!!
睇完之後兩點幾....搭小巴返去,都幾快下啦!!!返到去之後去咗老地方食野...食完去咗陽光打機(唔係翠萍o個間),去到都4點幾....1打就打到8點幾先返屋企
返到屋企沖咗個涼之後整咗1輪野先訓到....不過1訓就訓到1點幾,趕唔到出西9上堂,最後都係上5點
之後7點幾先返大埔....返到去買咗M記食,食完睇電視...之後睇完小倩就訓咗啦!!!
到咗尋日....最後1日練波都冇去到,想訓教呀!!之後11點幾起咗身....之後全日都係o係度打機...打到夜晚11點幾我呀妹打比我
仲有佢個fd...同佢個fd都係傾過1次電話...不過好好傾,之後我個妹收咗線得返我同佢個fd傾....女仔黎ge,1傾就傾到5點幾
因為真係太好傾啦!!其中係發生咗D事...咩事我唔o係度講,想知就問我啦!!
最後都係5點幾6點先訓到....今日o個篇夜晚先打啦!!!
完~~~
|
