今日大約八點幾起身，出得酒店都成九點幾，再食個早餐，跟住就落原宿。
新宿同原宿只差兩個車站，所以好快就去到，之前我都無去過，因為老豆老母唔會啱行。一出車站阿C就去咗FACAL買嘢，樣樣都話平，都唔知係咪? 買完我地就沿路行，咩都攪下睇下。再行入D就去到好多潮嘢賣既裏原宿，聽就聽得多，今次都總算可以見識下~~~裏原宿D嘢又真係型D嫁喎，唔知點解呢? 但係D舖頭要成十一二點先開門，唔通真係唔憂做? 唔經唔覺都係度攪到點幾兩點，大家都總算有D收獲。跟住就落涉谷~~~~
去到涉谷......好多人呀，由於都係志在行街所以就無目的咁行，有時咁行真係會發現多好多嘢，阿C話附近有間迴轉壽司好好食，話一定要食，咁咪搵囉，估唔到又好快比我地搵到喎，但係我地又未肚餓，所以就行多一陣先食。過多個幾鐘到我地再返返去食，嗰度既規定好特別，每碟都係 Y100 食乜都得，每人最少食七碟， 重要唔盡食超過45分鐘......型爆! 食食下發現原來都有好多香港人係度食緊...... 食完就繼續行街，行行下比我地發現到一間賣衫既地方，D衫都幾平，而家D款重好特別。睇完衫就跟住去睇玩具，真係多到你唔信，新舊都有，佢地最怕你冇錢。之後再繼續行，見到一間全幢都係賣足球嘢既舖頭，嘩......我就梗係唔會放過呢個機會啦。行完之後再四圍遊下，跟住就返新宿，因為買咗好多嘢，要返酒店放低。
返完酒店我地又再出動，我地就出就食咖哩飯，正都震! 跟住再行多陣就返酒店瞓LU~
 佢地好攪笑
|
