今日上晝放假，所以瞓到成11點先起身......呢覺正呀~~~

老母今日無返工，所以就同佢食完晏就返工。

今日公司攪團年飯，返到去開會傾咗今晚既RUN DOWN 跟住就執埋D嘢出發去酒樓。我又係負責音響，去到就SET機，試音響，幫手彩排，攪一輪都已經要開始節目。

話明攪團年飯，當然我同幾個同事都係負責攪，係無得食既 ! 慘~~~ 攪就成晚，終於都到壓軸表演...................中心職員歌舞表演 "黑夜豹妹" ......係由中心女職員伴舞、男同事扮豹妹....... 重要帶假髮、眼罩、重要著一件釘滿珠片緊身黑色小背心......勁......我一上到台就同其他豹妹係度亂跳，之後就爆衫，再之後就爆波，一世難忘!!!!!

表演完後，就繼續攪埋個節目，大約九點半到，攪掂哂。重要執埋D嘢返公司，攪到10點半終於收工。

買D嘢返屋企食，跟住瞓。